1864 – വില്വം‌പുരാണം

ആമുഖം

വില്വം‌പുരാണം എന്ന വളരെയധികം പ്രത്യേകതകൾ ഉള്ള പുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്.  ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിലുള്ള ഒരു പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന ഇരുപത്തിരണ്ടാമത്തെ പൊതുസഞ്ചയ രേഖയാണ് ഇത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: വില്വം‌പുരാണം
  • താളുകളുടെ എണ്ണം: ഏകദേശം 63
  • പ്രസിദ്ധീകരണ വർഷം:1864
  • പ്രസ്സ്: വിദ്യാവിലാസം അച്ചുകൂടം, കോഴിക്കോട്
1864 – വില്വം‌പുരാണം
1864 – വില്വം‌പുരാണം

ഈ പൊതുസഞ്ചയരേഖയുടെ ഡിജിറ്റൽ സ്കാനിനെ പറ്റി

വില്വം‌പുരാണം എന്ന കൃതിയെപറ്റിയുള്ള റെഫറൻസ് ഒന്നും തന്നെ ഇന്റർനെറ്റിൽ ലഭ്യമല്ല. അതിനാൽ തന്നെ ഇതിന്റെ ഉള്ളടക്കത്തെ പറ്റി ഒന്നും എഴുതാൻ എനിക്ക് ആവില്ല. വിവരങ്ങൾ ഒന്നും ലഭ്യമല്ലാത്തത് കൊണ്ട് ഇത് ഒരു അപൂർവ്വ കൃതി ആണെന്ന് കരുതുന്നു. അതിനാൽ തന്നെ ഇത് ഒരു അപൂർവ്വ കൃതി ആണെന്ന് കരുതുന്നു. അങ്ങനെ അപൂർവ്വമായ ഒരു കൃതിയുടെ അച്ചടി പതിപ്പ് ആണ് ട്യൂബിങൻ യൂണിവേഴ്സിറ്റി ഇന്നു പുറത്തു വിടുന്ന ഈ ഡിജിറ്റൽ സ്കാൻ.

കൃതിയുടെ അപൂർവ്വത പോലെ ഇതിന്റെ അച്ചടിയും പ്രധാനമുള്ളതാണ്.

ചതുരം‌കപട്ടണം കാളഹസ്തിയപ്പ മുതലിയാർ അവർകളുടെ മകൻ അരുണാചല മുതലിയാർ പിഴതീർപ്പിച്ച പുസ്തകം ആണിത്. അച്ചടിച്ചത് കാളഹസ്തിയപ്പ മുതലിയാരുടെ വിദ്യാവിലാസ അച്ചുകൂടത്തിൽ.

കാളഹസ്തിയപ്പ മുതലിയാർക്ക് മലയാള പുസ്തകപ്രസാധക ചരിത്രത്തിൽ വളരെ പ്രാധാന്യമുണ്ട്. ശ്രദ്ധേയമായ പല ഹൈന്ദവകൃതികളും ആദ്യമായി അച്ചടിച്ച് പ്രസിദ്ധീകരിക്കപ്പെടുന്നത് കാളഹസ്തിയപ്പ മുതലിയാരുടെ വിദ്യാവിലാസം അച്ചുകൂടത്തിലൂടെയായിരുന്നു.

കാളഹസ്തിയപ്പ മുതലിയാർ കോഴിക്കോട് മുൻസിഫായി ജോലി ചെയ്തിരുന്ന തമിഴ്‌നാട്ടുകാരനായിരുന്നു. മിഷനറിമാരുടേതല്ലാത്ത അച്ചുകൂടങ്ങളിൽ ആദ്യത്തെ അച്ചുക്കുടങ്ങളിൽ ഒന്നായിരുന്നു വിദ്യാവിലാസ അച്ചുകൂടം. മഹാഭാരതം അടക്കമുള്ള പല ഹൈന്ദവകൃതികളും ആദ്യമായി അച്ചടിക്കപ്പെട്ടത് വിദ്യാവിലാസം അച്ചുകൂടത്തിൽ ആയിരുന്നു എന്ന് പറയപ്പെടുന്നു.

കാളഹസ്തിയപ്പ മുതലിയാരുടെ അച്ചടി പരിശ്രമങ്ങളെ പറ്റിയും അദ്ദേഹത്തിനു മലയാള പുസ്തക പ്രസാധകചരിത്രത്തിൽ ഉള്ള പ്രാധാന്യത്തെ പറ്റിയും പി.കെ. രാജശേഖരൻ തന്റെ ബുക്സ്റ്റാൾജിയ എന്ന പുസ്തകത്തിൽ ഒരു ലേഖനം എഴുതിയിട്ടുണ്ട്. ആ ലേഖനം ഇവിടെ കാണാം

കാളഹസ്തിയപ്പ മുതലിയാരുടെ വിദ്യാവിലാസം അച്ചുകൂടത്തിൽ നിന്നുള്ള പല പുസ്തകങ്ങളും ട്യൂബിങ്ങനിലെ ഗുണ്ടർട്ട് ശേഖരത്തിൽ ഉണ്ട്. അതിൽ ഒരെണ്ണമാണ് ഇപ്പോൾ നമുക്ക് ഡിജിറ്റൽ പതിപ്പായി കിട്ടിയിരിക്കുന്ന വില്വം‌പുരാണം.

സി.എം.എസ്, ബാസൽ മിഷൻ എനീ പ്രസാധകരുടെ അക്കാലത്ത് തന്നെ ഇറങ്ങിയ മലയാള പുസ്തകങ്ങൾ വില്വം‌പുരാണവുമായി താരതമ്യം ചെയ്യുമ്പോൾ അച്ചടിയുടെ കാര്യത്തിൽ സ്വദേശി പ്രസാധകരുടെ ബാലാരിഷ്ടതകൾ ഈ പുസ്തകത്തിൽ തെളിഞ്ഞു കാണാവുന്നതാണ്.

  • പ്രധാന പ്രശ്നം അച്ചടിക്ക് ഉപയോഗിച്ച കടലാസിന്റെ ഗുണനിലവാരപ്രശ്നം ആണ്. 150 വർഷങ്ങൾക്ക് ശെഷം ഈ പുസ്തകം നോക്കുമ്പോൾ ഒരു പേജിൽ അച്ചടിച്ചതിന്റെ മിറർ ഇമേജ് അടുത്ത പെജിൽ കാണാം എന്ന നിലയാണ്. ഇതു മൂലം ഇതിന്റെ യൂണീക്കോഡ് കൺവേർഷൻ അതീവ ദുഷ്ക്കരം ആയിരുന്നു
  • മറ്റൊന്ന് ഉള്ളടക്കത്തിന്റെ വിന്യാസപ്രശ്നം ആണ്. വരികൾ ചരിച്ചാണ് അച്ചുവിന്യാസം നടത്തിയിരിക്കുന്നത്.
  • വേറൊന്ന് ശ്ലോകങ്ങൾ വായനാസുഖത്തിനായി വേണ്ടും വണ്ണം വരികൾ ഒന്നും തിരിക്കാതെ വിന്യസിച്ചിരിക്കുന്നതാണ്.

ഇങ്ങനെയുള്ള ബാലാരിഷ്ടതകൾ ഒക്കെ കടന്ന് വന്നാണ് സ്വദേശി പ്രസാധകർ പിൽക്കാലത്ത് സ്വയം പര്യാപ്തത നേടുന്നത്.

ഉള്ളടക്കം വിലയിരുത്താൻ ഞാൻ ആളല്ല. അത് അതിൽ ജ്ഞാനമുള്ളവർ ചെയ്യുമല്ലോ.

ഈ പുസ്തകത്തിന്റെ പ്രത്യേകയും ഉള്ളടക്കവും ഒക്കെ കൂടുതൽ വിശകലനം ചെയ്യുവാനായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഉയർന്ന റെസലൂഷനിലുള്ള കളർ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി ലഭ്യമാക്കിയിരിക്കുന്നത്. അതിനാൽ സ്കാനുകളുടെ സൈസ് കൂടുതൽ ആണ്. അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുക. (മൊബൈലിൽ ഡൗൺലോഡ് ചെയ്യാൻ ശ്രമിക്കരുത്. ഫയൽ സൈസ് കൂടുതൽ ആയതിനാൽ മൊബൈലിലെ ഡൗ‌ൺലോഡിങിനു പ്രശ്നം ഉണ്ടാവാൻ സാദ്ധ്യതയുണ്ട്)

 

1904 – പഴയനിയമത്തിൽ നിന്നു എടുത്ത സത്യവേദകഥകൾ

ആമുഖം

പഴയനിയമത്തിൽ നിന്നു എടുത്ത സത്യവേദകഥകൾ എന്ന പുസ്തകത്തിന്റെ ഒൻപതാം പതിപ്പിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്. ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിലുള്ള ഒരു പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന ഇരുപത്തി ഒന്നാമത്തെ പൊതുസഞ്ചയ രേഖയാണ് ഇത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: പഴയനിയമത്തിൽ നിന്നു എടുത്ത സത്യവേദകഥകൾ
  • പതിപ്പ്: ഒൻപതാം പതിപ്പ്
  • താളുകളുടെ എണ്ണം: ഏകദേശം 230
  • പ്രസിദ്ധീകരണ വർഷം:1904
  • പ്രസ്സ്: ബാസൽ മിഷൻ പ്രസ്സ്, മംഗലാപുരം
1904 - സത്യവേദകഥകൾ
1904 – സത്യവേദകഥകൾ

ഈ പൊതുസഞ്ചയരേഖയുടെ ഡിജിറ്റൽ സ്കാനിനെ പറ്റി

പേരു സൂചിപ്പിക്കുന്ന പോലെ തന്നെ ബൈബിളിലെ വിവിധ പഴയ നിയമ പുസ്തകങ്ങളിൽ നിന്ന് എടുത്ത കഥകൾ ആണ് പുസ്തകത്തിലെ വിഷയം. ബൈബിളിലെ ഉല്പത്തി പുസ്തകം മുതൽ മലാഖിവരെയുള്ള എല്ലാ പുസ്തകങ്ങളും ഇതിൽ തൊട്ട് പോകുന്നുണ്ട്. അതിനാൽ ഇത് വായിച്ചാൽ ബൈബിളിലെ പഴയ നിയമത്തിൽ കൈകാര്യം ചെയ്യുന്ന വിഷയങ്ങളെ പറ്റി എകദേശ ധാരണ കിട്ടും.

ഏതാണ്ട് 1850കൾ തൊട്ട് ബാസൽ മിഷൻ പ്രസിദ്ധീകരിച്ചു വരുന്ന സത്യവേദകഥകൾ എന്ന പുസ്തകത്തിന്റെ 1904ൽ ഇറങ്ങിയ ഒൻപതാം പതിപ്പ് ആണ് ഈ പുസ്തകം. കുറേയധികം വര ചിത്രങ്ങൾ ഈ പുസ്തകത്തിൽ ഉണ്ട് എന്നത് ഈ പുസ്തകത്തിന്റെ പ്രത്യേകതകളിൽ ഒന്നാണ്.

നമുക്ക് ഡിജിറ്റൈസ് ചെയ്ത് കിട്ടിയ ഈ പ്രതി ആരോ പഠനത്തിനായി ഉപയോഗിച്ചിട്ടുള്ളതാണ്. പെൻസിൽ കൊണ്ട് ധാരാളം കുറിപ്പുകൾ മിക്ക താളുകളിലും കാണാം.

ഈ പുസ്തകത്തിലെ ഉള്ളടക്കത്തിൽ താല്പര്യമുള്ളവർ ഈ പുസ്തകം വിശകലനം ചെയ്യുമല്ലോ. കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഉയർന്ന റെസലൂഷനിലുള്ള കളർ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി ലഭ്യമാക്കിയിരിക്കുന്നത്. അതിനാൽ സ്കാനുകളുടെ സൈസ് കൂടുതൽ ആണ്. അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുക. (മൊബൈലിൽ ഡൗൺലോഡ് ചെയ്യാൻ ശ്രമിക്കരുത്. ഫയൽ സൈസ് കൂടുതൽ ആയതിനാൽ മൊബൈലിലെ ഡൗ‌ൺലോഡിങിനു പ്രശ്നം ഉണ്ടാവാൻ സാദ്ധ്യതയുണ്ട്)

1887 – കുന്ദലതാ – തലക്കൊടിമഠത്തിൽ അപ്പുനെടുങ്ങാടി

ആമുഖം

കുന്ദലതാ എന്ന ആദ്യകാലമലയാളനോവലിന്റെ ആദ്യ പതിപ്പിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്. മലയാളത്തിലെ ആദ്യത്തെ ലക്ഷണമൊത്ത നോവൽ എന്നു ഖ്യാതിപ്പെട്ട  ഇന്ദുലെഖയ്ക്കു മുൻപു പുറത്തിറങ്ങിയ മലയാള നോവലുകളിൽ ഒന്നാണിത്. ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിലുള്ള ഒരു പുസ്തകമാണ്.  ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന ഇരുപതാമത്തെ പൊതുസഞ്ചയ രേഖയാണ് ഇത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: കുന്ദലതാ, എന്നൊരു പുതുമാതിരി കഥ
  • പതിപ്പ്: ഒന്നാം പതിപ്പ്
  • താളുകളുടെ എണ്ണം: ഏകദേശം 140
  • പ്രസിദ്ധീകരണ വർഷം:1887
  • രചയിതാവ്: തലക്കൊടിമഠത്തിൽ അപ്പുനെടുങ്ങാടി
  • പ്രസ്സ്: വിദ്യാവിലാസം അച്ചുകൂടം, കോഴിക്കോട്
1887 കുന്ദലതാ
1887 കുന്ദലതാ

കുന്ദലതാ-യുടെ ഒന്നാം പതിപ്പിന്റെ ഡിജിറ്റൽ സ്കാനിനെ പറ്റി

ലക്ഷണമൊത്ത ആദ്യനോവൽ എന്നു ഖ്യാദിപ്പെട്ട ഇന്ദുലെഖയ്ക്കു മുൻപ് മലയാളത്തിൽ കുറച്ചധികം നോവലുകൾ ഇറങ്ങിയിട്ടൂണ്ട്. 1850കളിൽ ഇറങ്ങിയ ജോസഫ് പീറ്റിന്റെ ഫുൽമോനിയും കോരുണയും തുടങ്ങി 1887ലെ കുന്ദലത വരെ അതിൽ പെടുന്നു. ഇതിൽ കുന്ദലതയുടെ സ്കാനാണ് ഈ പൊസ്റ്റിലൂടെ പുറത്ത് വിടുന്നത്.

ഇതിന്റെ ഉള്ളടക്കം വിശകലനം ചെയ്യാനുള്ള അറിവ് എനിക്കില്ല. ഈ പുസ്തകത്തിലെ ഉള്ളടക്കത്തിൽ താല്പര്യമുള്ളവർ ഈ പുസ്തകം വിശകലനം ചെയ്യുമല്ലോ. കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഉയർന്ന റെസലൂഷനിലുള്ള കളർ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി ലഭ്യമാക്കിയിരിക്കുന്നത്. അതിനാൽ സ്കാനുകളുടെ സൈസ് കൂടുതൽ ആണ്. അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുക. (മൊബൈലിൽ ഡൗൺലോഡ് ചെയ്യാൻ ശ്രമിക്കരുത്. ഫയൽ സൈസ് കൂടുതൽ ആയതിനാൽ മൊബൈലിലെ ഡൗ‌ൺലോഡിങിനു പ്രശ്നം ഉണ്ടാവാൻ സാദ്ധ്യതയുണ്ട്)