ഹനുമാന്റെ അബ്ധി (സമുദ്ര) ലംഘന കഥയുടെ ശാസ്ത്രം പരിശോധിക്കുന്ന ഭൂലോക വിജ്ഞാനീയം – ആഞ്ജനേയന്റെ അബ്ധിലംഘനം എന്ന പുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. അമ്പലപ്പുഴ വെങ്കിടേശ്വര ശർമ്മ ആണ് ഈ പുസ്തകം രചിച്ചിരിക്കുന്നത്. ആർഷഭാരതസംസ്കാരം കേവലം അന്ധവിശ്വാസത്തിന്മേൽ പടുത്തു കെട്ടിയിട്ടുള്ള ഒന്നല്ലെന്നും ശാസ്ത്രീയവിജ്ഞാനത്തിന്മേൽ അടിയുറച്ചത് ആണെന്നും തെളിയിക്കാനാണ് ഗ്രന്ഥകർത്താവ് ഈ പുസ്തകത്തിൽ ശ്രമിച്ചിട്ടുള്ളത്. 1930കളിൽ പുറത്തിറങ്ങിയ ഈ പുസ്തകത്തിൽ പുസ്തകത്തിൽ കൈകാര്യം ചെയ്യുന്ന വിഷയത്തെക്കുറിച്ച് അക്കാലത്തെ ചില പ്രമുഖരുടെ അഭിപ്രായങ്ങൾ രേഖപ്പെടുത്തിയിട്ടൂണ്ട്. പുസ്തകത്തിൽ കുറച്ച് ചിത്രങ്ങളും ഉപയോഗിച്ചിട്ടൂണ്ട്.
കടപ്പാട്
കോട്ടയം ഒളശ്ശ ചീരട്ടമണ്‍ ഇല്ലം അഷ്ടവൈദ്യന്‍ Dr നാരായണന്‍ മൂസ്സിന്റെ പുസ്തകശേഖരണത്തില്‍ നിന്നുള്ളതാണ് ഭൂലോക വിജ്ഞാനീയം എന്ന ഈ ഗ്രന്ഥം. അദ്ദേഹത്തിന് പ്രത്യേകമായ നന്ദി. അദ്ധ്യാപകൻ കൂടിയായ ടോണി ആന്റണി മാഷാണ് ഇത് ശേഖരിച്ച് ഡിജിറ്റൈസേഷനായി ലഭ്യമാക്കിയത്. അദ്ദേഹത്തിനും വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.
രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.
- പേര്: ഭൂലോക വിജ്ഞാനീയം – ആഞ്ജനേയന്റെ അബ്ധിലംഘനം
- രചന: അമ്പലപ്പുഴ വെങ്കിടേശ്വര ശർമ്മാ
- പ്രസിദ്ധീകരണ വർഷം: 1937 (കൊല്ലവർഷം 1111)
- താളുകളുടെ എണ്ണം: 120
- പ്രസാധനം: രാമവിലാസം പ്രസ്സ് & ബുക്ക് ഡിപ്പോ, കോഴഞ്ചേരി
- സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി