രസതന്ത്രം – രണ്ടാം ഭാഗം – ഫാറം 5

അഞ്ചാം ഫാറത്തിൽ (ഇന്നത്തെ ഒൻപതാം ക്ലാസ്സിനു സമാനം) പഠിക്കുന്നവർക്ക് ഉപയോഗിക്കാനായി തയ്യാറാക്കിയ രസതന്ത്രം – രണ്ടാം ഭാഗം എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്.ഇത് ഏത് വർഷം ഇറങ്ങിയ പാഠപുസ്തകം ആണെന്നോ, ഏത് പ്രദേശത്ത് ഉപയോഗിച്ച പാഠപുസ്തകം ആണെന്നോ പുസ്തകത്തിൽ രേഖപ്പെടുത്തിയിട്ടില്ല.

പുസ്തകത്തിലെ വിവിധ തെളിവുകളുടെ അടിസ്ഥാനത്തിൽ 1950കളുടെ തുടക്കത്തിൽ ആണ് ഇത് പ്രസിദ്ധീകരിച്ചത് എന്ന് സാമാന്യമായി നിരീക്ഷിക്കാാം.  അതേ പോലെ തിരുവനന്തപുരത്ത് നിന്നു അച്ചടിച്ച് പ്രസിദ്ധീകരിച്ച പാഠപുസ്തകം ആയതിനാൽ തിരുവിതാംകൂർ/കൊച്ചി പ്രദേശത്ത് ഉപയോഗിച്ചിരുന്ന പാഠപുസ്തകം ആണെന്നും സാമാന്യമായി നിരീക്ഷിക്കാം

പുസ്തകത്തിൻ്റെ ടൈറ്റിൽ പേജിൽ ഒരു കമ്മിറ്റി ആണ് ഈ പുസ്തകം തയ്യാറാക്കിയത് എന്ന സീൽ വെച്ചിട്ടുണ്ട്. തൊട്ടടുത്ത പേജിൽ V. Sankaranarayana Iyer, S.V. Ramanan എന്നിവർ ഈ കമ്മറ്റിയിലെ മെമ്പറുമാർ ആണെന്ന സീലും വെച്ചിട്ടുണ്ട്. തിരുവനന്തപുരത്തെ The Educational Supplies Depot എന്ന പ്രസിദ്ധീകരണശാലയാണ് ഇത് പ്രസിദ്ധീകരിച്ചത് .

നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

രസതന്ത്രം - രണ്ടാം ഭാഗം - ഫാറം 5
രസതന്ത്രം – രണ്ടാം ഭാഗം – ഫാറം 5

കടപ്പാട്

ഡൊമനിക്ക് നെടും‌പറമ്പിൽ ആണ് ഈ പുസ്തകം ലഭ്യമാക്കിയത്. ഇത് എനിക്കു ഡിജിറ്റൈസേഷനായി ബാംഗ്ലൂരിൽ എത്തിച്ചു തരാൻ എൻ്റെ സുഹൃത്തുക്കളായ കണ്ണൻ ഷണ്മുഖവും അജയ് ബാലചന്ദ്രനും സഹായിച്ചു. ഇവർക്ക് എല്ലാവർക്കും നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.

രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.

(ഉയർന്ന റെസലൂഷൻ ഉള്ള സ്കാൻ ആയതിനാൽ സൈസ് കൂടുതൽ ഉള്ളതു കൊണ്ട് മൊബൈൽ ഡിവൈസുകളിൽ ഈ സ്കാൻ ഡൗൺലൊഡ് ചെയ്താൽ വായിക്കാൻ പറ്റണം എന്നില്ല. അതിനാൽ ഡൗൺലോഡ് ചെയ്യുന്നവർ ദയവായി ലാപ്‌ടോപ്പോ/ഡെസ്ക്‌ടോപ്പോ പോലുള്ള ഡിവൈസുകൾ ഉപയോഗിക്കുക)

  • പേര്: രസതന്ത്രം – രണ്ടാം ഭാഗം – ഫാറം 5
  • പ്രസിദ്ധീകരണ വർഷം: രേഖപ്പെടുത്തിയിട്ടില്ല. 1950കളുടെ തുടക്കം ആയിരിക്കാം.
  • താളുകളുടെ എണ്ണം: 114
  • പ്രസാധനം: The Educational Supplies Depot
  • അച്ചടി: Press Ramses, Trivandrum
  • സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി

Comments

comments

Google+ Comments

Leave a Reply