ഉള്ളൂർ എസു്. പരമേശ്വരയ്യരുടെ സദാചാരദീപിക എന്ന കൃതിയുടെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഇത് ഈ പുസ്തകത്തിന്റെ നാലാം പതിപ്പാണ്. എന്നാൽ ഏതുവർഷമാണ് ഈ പതിപ്പ് ഇറങ്ങിയതെന്ന് പുസ്തകത്തിൽ രേഖപ്പെടുത്തിയിട്ടില്ല. പുസ്തകത്തിന്റെ അവതാരികയിൽ നിന്നു ഉള്ളൂർ ജീവിച്ചിരുന്നപ്പോൾ തന്നെ ഇറങ്ങിയ പതിപ്പ് ആണ് ഇതെന്ന് ഊഹിക്കാം. കവർ പേജ് ഉണ്ടെങ്കിലും പുസ്തകത്തിന്റെ ഉള്ളടത്തിൽ അവസാനത്തെ കുറച്ചു പേജുകൾ നഷ്ടപ്പെട്ടതായി കാണുന്നു. ഈ കൃതിയുടെ മറ്റൊരു പതിപ്പ് കിട്ടുമ്പോൾ ആ കുറവ് പരിഹരിക്കാം എന്ന് കരുതുന്നു.
കടപ്പാട്
അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: സദാചാരദീപിക – ഉള്ളൂർ എസു്. പരമേശ്വരയ്യർ
- പ്രസിദ്ധീകരണ വർഷം: രേഖപ്പെടുത്തിയിട്ടില്ല
- താളുകളുടെ എണ്ണം: 66
- അച്ചടി: KB പ്രസ്സ്, തിരുവനന്തപുരം
- സ്കാനുകൾ ലഭ്യമായ പ്രധാന താൾ (gpura.org): കണ്ണി
- സ്കാനുകൾ ലഭ്യമായ പ്രധാന താൾ (archive.org): കണ്ണി