1953 – ഇന്ത്യാചരിത്രം – പൗരധർമ്മം – രണ്ടാം ഫാറത്തിലേയ്ക്ക് – പി. കുഞ്ഞികൃഷ്ണ മേനോൻ

1953ൽ രണ്ടാം ഫാറത്തിൽ പഠിച്ചിരുന്നവർ ഉപയോഗിച്ച ഇന്ത്യാചരിത്രം – പൗരധർമ്മം – രണ്ടാം ഫാറത്തിലേയ്ക്ക് എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഇത് ഈ പുസ്തകത്തിൻ്റെ രണ്ടാം പതിപ്പാണ്.

രണ്ടാം ഫാറം ഇന്നത്തെ ആറാം ക്ലാസ്സിനു സമാനമാണ്.  ഇത് തിരുവിതാംകൂർ-കൊച്ചി പ്രദേശത്ത് ഉപയോഗിച്ച പാഠപുസ്തകം ആണെന്ന സൂചന പുസ്തകത്തിൽ കാണാം. ചരിത്രവും – പൗരധർമ്മവും ഒരുമിച്ച് കൈകാര്യം ചെയ്യുന്ന ഈ പാഠപുസ്തകം തയ്യാറാക്കിയിരിക്കുന്നത് പി. കുഞ്ഞികൃഷ്ണ മേനോൻ ആണ്. (പുസ്തകത്തിൻ്റെ കവർ പേജ് നഷ്ടപ്പെട്ടിട്ടുണ്ട്. പുസ്തകം ഉപയോഗിച്ച വിദ്യാർത്ഥിയെ പറ്റിയുള്ള വിവരം പുസ്തകത്തിൽ ഒട്ടിച്ചിരിക്കുന്ന നെയിം സ്ലിപ്പിൽ നിന്നു കാണാം.)

നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

1953 - ഇന്ത്യാചരിത്രം - പൗരധർമ്മം - രണ്ടാം ഫാറത്തിലേയ്ക്ക് - പി. കുഞ്ഞികൃഷ്ണ മേനോൻ
1953 – ഇന്ത്യാചരിത്രം – പൗരധർമ്മം – രണ്ടാം ഫാറത്തിലേയ്ക്ക് – പി. കുഞ്ഞികൃഷ്ണ മേനോൻ

കടപ്പാട്

ഡൊമനിക്ക് നെടും‌പറമ്പിൽ ആണ് ഈ പുസ്തകം ലഭ്യമാക്കിയത്. ഇത് എനിക്കു ഡിജിറ്റൈസേഷനായി ബാംഗ്ലൂരിൽ എത്തിച്ചു തരാൻ എൻ്റെ സുഹൃത്തുക്കളായ കണ്ണൻ ഷണ്മുഖവും അജയ് ബാലചന്ദ്രനും സഹായിച്ചു. ഇവർക്ക് എല്ലാവർക്കും നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.

രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.

(ഉയർന്ന റെസലൂഷൻ ഉള്ള സ്കാൻ ആയതിനാൽ സൈസ് കൂടുതൽ ഉള്ളതു കൊണ്ട് മൊബൈൽ ഡിവൈസുകളിൽ ഈ സ്കാൻ ഡൗൺലൊഡ് ചെയ്താൽ വായിക്കാൻ പറ്റണം എന്നില്ല. അതിനാൽ ഡൗൺലോഡ് ചെയ്യുന്നവർ ദയവായി ലാപ്‌ടോപ്പോ/ഡെസ്ക്‌ടോപ്പോ പോലുള്ള ഡിവൈസുകൾ ഉപയോഗിക്കുക)

  • പേര്: ഇന്ത്യാചരിത്രം – പൗരധർമ്മം – രണ്ടാം ഫാറത്തിലേയ്ക്ക്
  • രചന: പി. കുഞ്ഞികൃഷ്ണ മേനോൻ
  • പ്രസിദ്ധീകരണ വർഷം: 1953
  • താളുകളുടെ എണ്ണം: 96
  • അച്ചടി: പരിഷന്മുദ്രണാലയം, എറണാകുളം
  • സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി

Comments

comments