ആമുഖം
ക്രിസ്തുചരിത്രം എന്ന കൃതിയുടെ ഒരു താളിയോല പതിപ്പിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്.
ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിൽ നിന്നുള്ള ഒരു താളിയോല രേഖയാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 131-ാമത്തെ പൊതുസഞ്ചയ രേഖയും 12–മത്തെ താളിയോല രേഖയും ആണ്.
ഈ പൊതുസഞ്ചയരേഖയുടെ മെറ്റാഡാറ്റ
- പേര്: ക്രിസ്തുചരിത്രം
- രചയിതാവ്: കല്ലറയ്ക്കൽ കുപ്പമേനോൻ എന്ന് ട്യൂബിങ്ങനിലെ മെറ്റാഡാറ്റയിൽ. ഇത് കൃതിയുടെ രചയിതാവിന്റെ പേരാണോ ഓല എഴുതിയ ആളിന്റെ പേരാണോ എന്ന് വ്യക്തമല്ല.
- താളിയോല ഇതളുകളുടെ എണ്ണം: 81
- എഴുതപ്പെട്ട കാലഘട്ടം: 1872നും 1924നും ഇടയ്ക്കെന്ന് ട്യൂബിങ്ങനിലെ ഈ താളിയോലയുടെ മെറ്റാഡാറ്റയിൽ കാണുന്നു.
ഈ പൊതുസഞ്ചയരേഖയുടെ ഡിജിറ്റൽ സ്കാനിനെ പറ്റി
ഇത് മലയാളത്തിലുള്ള കൃതിയാണ്. എന്നാൽ ട്യൂബിങ്ങനിലെ ഈ താളിയോലയുടെ മെറ്റാഡാറ്റയിൽ കാണുന്ന വിവരങ്ങൾക്ക് അപ്പുറം യാതൊന്നും എനിക്ക് ഈ കൃതിയെ പറ്റി അറിയില്ല.
താളിയോലയിലെ പല ഇതളുകളിലെ എഴുത്തിലും കരി ഉപയോഗിച്ചിട്ടാല്ലാത്തതിനാൽ/അല്ലെങ്കിൽ അത് ഇളകി പൊയതിനാൽ എഴുത്ത് വ്യക്തമല്ല. എന്നാൽ സ്കാനിങ്ങ് നല്ല റെസലൂഷനിൽ ആയതിനാൽ സൂം ചെയ്താൽ എഴുത്ത് വായിക്കാവുന്നതേ ഉള്ളൂ.
ഈ താളിയോല രേഖയെ വിലയിരുത്താൻ ഞാൻ ആളല്ല. ഇതിന്റെ പ്രത്യേകയും ഉള്ളടക്കവും ഒക്കെ കൂടുതൽ വിശകലനം ചെയ്യുവാനായി സ്കാൻ പങ്കു വെക്കുന്നു.
ഡൗൺലോഡ് വിവരങ്ങൾ
- സ്കാൻ ലഭ്യമായ പ്രധാന താൾ: കണ്ണി
- ഡൗൺലോഡ് കണ്ണി: ഗ്രേ സ്കെയിൽ (60 MB)