1966 ഒക്ടോബർ – ശാസ്ത്രഗതി – ഒന്നാം ലക്കം

കേരള ശാസ്ത്രസാഹിത്യ പരിഷത്തിന്റെ പ്രധാന മാസികകളിൽ ഒന്നായ ശാസ്ത്രഗതി എന്ന മാസികയുടെ ആദ്യത്തെ ലക്കത്തിന്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. ശാസ്ത്ര,സാമൂഹ്യ,സാമ്പത്തിക,വിദ്യാഭ്യാസ,സാംസ്കാരിക വിഷയങ്ങളിലെ ലേഖനങ്ങൾ ഉൾപ്പെടുത്തി പ്രസിദ്ധീകരിക്കുന്ന ഈ മാസിക മുതിർന്നവർക്ക് വേണ്ടിയുള്ള മാസികയാണ്. (കേരള ശാസ്ത്രസാഹിത്യ പരിഷത്തിന്റെ മറ്റു മാസികകൾ ആയ യുറീക്കയും ശാസ്ത്രകേരളവും പ്രധാനമായും വിദ്യാർത്ഥികളെ ലക്ഷ്യം വെച്ചുള്ളവ ആണല്ലോ.)

ഈ പോസ്റ്റിലൂടെ പങ്കുവെക്കുന്ന ആദ്യലക്കം ഇറങ്ങിയിരിക്കുന്നത് 1966ൽ ആണ്. അതിന്റെ അർത്ഥം യുറീക്ക, ശാസ്ത്രകേരളം ഇവയ്ക്ക് ഒക്കെ മുൻപേ ശാസ്ത്രഗതി ഇറങ്ങി തുടങ്ങി എന്നതാണ്. കെ.ജി. അടിയോടി, എം.പി. പരമേശ്വരൻ, കോന്നിയൂർ ആർ. നരേന്ദ്രനാഥ് തുടങ്ങി പന്ത്രണ്ടോളം പേർ വിവിധ വിഷയങ്ങളിൽ എഴുതിയ ശാസ്ത്രലേഖനങ്ങൾ ആണ് ആദ്യ ലക്കത്തിന്റെ ഉള്ളടക്കം.

മൊത്തം 120 പേജുകൾ ഉണ്ട് ആദ്യലക്കത്തിന്. എന്റെ കൈയ്യിൽ ഡിജിറ്റൈസേഷനായി ലഭ്യമായ ശാസ്ത്രഗതിയുടെ ലക്കങ്ങൾ ഒന്നിനും തന്നെ കവർ പേജില്ല. ഇത് അക്കാലത്ത് അങ്ങനെ കവർ പേജില്ലാതെയാണോ പ്രസിദ്ധീകരിച്ചിരുന്നത് എന്ന കാര്യം എനിക്കു ഉറപ്പില്ല.

കേരള ശാസ്ത്രസാഹിത്യ പരിഷത്തിന്റെ പഴയകാല മാസികകളും, പുസ്തകങ്ങളും, ലഘുലേഖകളും ഡിജിറ്റൈസ് ചെയ്യുന്ന പദ്ധതിയെ പറ്റിയുള്ള പ്രാഥമിക വിവരത്തിനു ഈ പോസ്റ്റ്കാണുക.

 

1966 ഒക്ടോബർ - ശാസ്ത്രഗതി
1966 ഒക്ടോബർ – ശാസ്ത്രഗതി

 

കടപ്പാട്

കേരള ശാസ്ത്രസാഹിത്യ പരിഷത്തിന്റെ പഴയ കാല രേഖകൾ ഡിജിറ്റൈസ് ചെയ്യാനുള്ള പദ്ധതിക്ക് അനുമതി നൽകിയ പരിഷത്തിന്റെ കേന്ദ്രനിര്‍വാഹക സമിതി അംഗങ്ങൾക്കും പദ്ധതി പ്രാവർത്തികമാക്കാൻ സഹകരിക്കുന്ന മറ്റുള്ളവർക്കും നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ ലഘുലേഖയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. രേഖ PDF  ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക.

  • പേര്: ശാസ്ത്രഗതി – ഒന്നാം ലക്കം  
  • പ്രസിദ്ധീകരണ വർഷം: 1966 ഒക്ടോബർ
  • താളുകളുടെ എണ്ണം: 120
  • പ്രസാധകർ: കേരള ശാസ്ത്രസാഹിത്യ പരിഷത്ത്
  • പ്രസ്സ്: മംഗളോദയം, തൃശൂർ
  • സ്കാൻ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി

 

 

 

      • ഡിജിറ്റൈസ് ചെയ്ത കേരള ശാസ്ത്രസാഹിത്യ പരിഷത്ത് രേഖകൾ: എണ്ണം –  69
      • ഡിജിറ്റൈസ് ചെയ്ത ശാസ്ത്രഗതി മാസികകൾ: എണ്ണം –  1

Comments

comments