1949ൽ കൊച്ചി പ്രദേശത്ത് ഭൂമിശാസ്ത്രപാഠപുസ്തകം ആയി ഉപയോഗിച്ച Geography of the Madras Presidency എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. കൊച്ചി പ്രദേശത്ത് എന്നു പറയാൻ കാരണം ഈ പുസ്തകത്തിൽ കൊച്ചി പ്രദേശത്തെ സർക്കാരിനെ പറ്റിയും ഒക്കെ അല്പം വിശദമായി അവസാനഭാഗത്ത് പറഞ്ഞിട്ടുണ്ട് എന്നതിനാണ്. ഇത് ഏത് ക്ലാസ്സിലെ പാഠപുസ്തകം ആയിരുന്നു എന്ന് വ്യക്തമല്ല. പക്ഷെ പുസ്തകത്തിൻ്റെ ടൈറ്റിൽ പേജിൽ പുസ്തകം ഉപയോഗിച്ച വ്യക്തി പെൻസിൽ കൊണ്ട് ക്ലാസ്സ് IV A എന്നു രേഖപ്പെടുത്തിയിരിക്കുന്നത് കാണാം.
പുസ്തകത്തിൽ കുറച്ചധികം ഭൂപടങ്ങളും മറ്റു ചിത്രങ്ങളും കാണാം. രാമവർമ്മപുരം സർക്കാർ ട്രെയിനിങ്ഇൻസ്റ്റിറ്റ്യൂട്ടിലെ P.R. Harihara Iyer ആണ് പുസ്തജത്തിൻ്റെ രചന നിർവ്വഹിച്ചിരിക്കുന്നത്.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
കൊച്ചിക്കാരനായ ശ്രീ ഡൊമനിക്ക് നെടും‌പറമ്പലിന്റെ ശേഖരത്തിൽ നിന്നുള്ളതാണ് ഈ പുസ്തകം. ഇത് എനിക്കു ഡിജിറ്റൈസേഷനായി ബാംഗ്ലൂരിൽ എത്തിച്ചു തരാൻ എൻ്റെ സുഹൃത്തുക്കളായ കണ്ണൻ ഷണ്മുഖവും അജയ് ബാലചന്ദ്രനും സഹായിച്ചു. ഇവർക്ക് എല്ലാവർക്കും നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.
രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.
- പേര്: Geography of the Madras Presidency
- രചന: P.R. Harihara Iyer
- പ്രസിദ്ധീകരണ വർഷം: 1949 (മലയാള വർഷം 1124)
- താളുകളുടെ എണ്ണം: 140
- അച്ചടി: വിദ്യാവിനോദിനി പ്രസ്സ്, തൃശൂർ
- സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി