1914ൽ, സ്കൂളുകളിലെ കൃഷിപഠനത്തിനായി പ്രസിദ്ധീകരിച്ച കൃഷിശാസ്ത്രം – രണ്ടാം പുസ്തകം എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഇത് പല ക്ലാസ്സുകളിലെ ഉപയോഗത്തിനായി തയ്യാറാക്കിയത് ആണ്. ഈ രണ്ടാം ഭാഗത്തിൽ കൃഷിസംബന്ധമായ പൊതുതത്വങ്ങളാണ് വിവരിച്ചിരിക്കുന്നത്. കൃഷിയിടങ്ങളെപറ്റിയും പണിയായുധങ്ങളെ പറ്റിയും ഒക്കെയുള്ള പാഠങ്ങൾ ഇതിൽ കാണാം. കുറച്ചധികം പണിയായുധങ്ങളുടെ വരചിത്രങ്ങളും പുസ്തകത്തിൽ ചേർത്തു കാണുന്നു. ഈ പുസ്തകത്തിന്റെ കവർപേജും ടൈറ്റിൽ പേജും നഷ്ടപ്പെട്ടിരിക്കുന്നു. അതിനാൽ പ്രധാനപ്പെട്ട ചില മെറ്റഡാറ്റ രേഖപ്പെടുത്താൻ വഴിയില്ല. അതൊഴിച്ചാൽ ബാക്കി പേജുകൾ ഒക്കെ ലഭ്യമാണ്.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: കൃഷിശാസ്ത്രം – രണ്ടാം പുസ്തകം
- പ്രസിദ്ധീകരണ വർഷം: 1914
- താളുകളുടെ എണ്ണം: 106
- അച്ചടി: –
- സ്കാനുകൾ ലഭ്യമായ പ്രധാന താൾ (gpura.org): കണ്ണി
- സ്കാനുകൾ ലഭ്യമായ പ്രധാന താൾ (archive.org): കണ്ണി