1936 – ശ്രീചിത്രോദയം കാവ്യം – കുമ്മനം കെ ഗോവിന്ദപ്പിള്ള

കുമ്മനം കെ ഗോവിന്ദപ്പിള്ള രചിച്ച ശ്രീചിത്രോദയം എന്ന മഹാകാവ്യത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഇത് 1936ൽ പ്രസിദ്ധീകരിച്ച ഈ കൃതിയുടെ ഒന്നാം പതിപ്പാണ്. കുമ്മനം ഗോവിന്ദപ്പിള്ളയെ കുറിച്ചോ ശ്രീചിത്രോദയം എന്ന കാവ്യത്തെ കുറിച്ചോ ഉള്ള വൈജ്ഞാനികമായ വിവരം പൊതുവിടത്തിൽ ലഭ്യമല്ല. അതിനാൽ തന്നെ ഈ കൃതിയെ പറ്റി എന്തെങ്കിലും ആധികാരികമായി പറയാൻ ആവുന്നില്ല.

400ൽ പരം പേജുകൾ ഉള്ള ബൃഹദ് കൃതിയാണിത്. പുരാതനകാലം മുതലുള്ള തിരുവിതാംകൂർ ചരിത്രം കാവ്യരൂപത്തിൽ അവതരിപ്പിച്ചിരിക്കുക ആണെന്നാണ് പുസ്തകം ഒന്ന് ഓടിച്ചു നോക്കിയപ്പോൾ എനിക്കു മനസ്സിലായത്. തുടക്കത്തിൽ കാവ്യത്തിൽ കൈകാര്യം ചെയ്യുന്ന ചരിത്രപരമായ വിഷയങ്ങളുടെ അനുക്രമണിക വിശദമായി കൊടുത്തിട്ടൂണ്ട്. തിരുവിതാംകൂർ രാജാക്കന്മാരുടേയും റാണിമാരുടേയും ഒക്കെ കുറച്ചധികം ചിത്രങ്ങൾ ഇതിൽ ചേർത്തിട്ടുണ്ട് (ഈ പുസ്തകത്തിനെയും രചയിതാവിനെയും പറ്റിയുള്ള വൈജ്ഞാനിക വിശദാംശങ്ങൾ അറിയുന്നവർ പ്രസ്തുത വിവരം മലയാളം വിക്കിപീഡിയയിൽ ചേർക്കുമല്ലോ‌.)

1936 - ശ്രീചിത്രോദയം കാവ്യം - കുമ്മനം കെ ഗോവിന്ദപ്പിള്ള
1936 – ശ്രീചിത്രോദയം കാവ്യം – കുമ്മനം കെ ഗോവിന്ദപ്പിള്ള

കടപ്പാട്

അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.

രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.

  • പേര്: ശ്രീചിത്രോദയം – കാവ്യം
  • രചയിതാവ്: കുമ്മനം കെ ഗോവിന്ദപ്പിള്ള
  • പ്രസിദ്ധീകരണ വർഷം: 1936 (മലയാള വർഷം 1111)
  • താളുകളുടെ എണ്ണം: 440
  • അച്ചടി: ശ്രീരാമവിലാസം പ്രസ്സ്, കൊല്ലം
  • സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി

 

 

 

Comments

comments

Google+ Comments

Leave a Reply