1873 – മലയാളത്തിലെ പാഠശാലകളുടെ ഉപയോഗത്തിന്നായുള്ള പാട്ടുകൾ

ആമുഖം

മലയാളത്തിലെ പാഠശാലകളുടെ ഉപയോഗത്തിന്നായുള്ള പാട്ടുകൾ എന്ന കൃതിയുടെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്. ഇത് വരികളോടു കൂടിയ ഒരു മ്യൂസിക്ക് നൊട്ടേഷൻ പുസ്തകമാണ്

ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിൽ നിന്നുള്ള ഒരു അച്ചടി പുസ്തകം ആണിത്.  ട്യൂബിങ്ങൻ ലൈബ്രറിയിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 248-ാമത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: മലയാളത്തിലെ പാഠശാലകളുടെ ഉപയോഗത്തിന്നായുള്ള പാട്ടുകൾ
  • പ്രസിദ്ധീകരണ വർഷം:1873
  • താളുകളുടെ എണ്ണം:  ഏകദേശം 127
  • പ്രസ്സ്: ബാസൽ മിഷൻ പ്രസ്സ്, മംഗലാപുരം
1873 - മലയാളത്തിലെ പാഠശാലകളുടെ ഉപയോഗത്തിന്നായുള്ള പാട്ടുകൾ
1873 – മലയാളത്തിലെ പാഠശാലകളുടെ ഉപയോഗത്തിന്നായുള്ള പാട്ടുകൾ

ഈ പൊതുസഞ്ചയരേഖയുടെ ഡിജിറ്റൽ സ്കാനിനെ പറ്റി

തലക്കെട്ടിൽ ഇതൊരു പൊതുപാഠപുസ്തകം ആവാം എന്നു തോന്നുമെങ്കിലും ഇത് കൂട്ടികൾക്ക് വേണ്ടിയുള്ള ഒരു ക്രൈസ്തവ പാട്ടുപുസ്തകമാണ്. പാട്ടുകളോടൊപ്പം മ്യൂസിക്ക് നൊട്ടെഷനും കൊടുത്തിട്ടുണ്ട് എന്നതാണ് ഈ പുസ്തകത്തിന്റെ ഒരു പ്രത്യേകത.

മ്യൂസിക് നൊട്ടേഷൻ ചിഹ്നങ്ങളുടേ സൂചകം തുടക്കത്തിൽ തന്നെ കൊടുത്തിട്ടൂണ്ട്. അതിന്റെ ചിത്രം താഴെ

 

ഈ കൃതിയുടെ ഉള്ളടക്കം വിലയിരുത്താൻ ഞാൻ ആളല്ല. ഈ പുസ്തകത്തിന്റെ പ്രത്യേകയും ഉള്ളടക്കവും ഒക്കെ കൂടുതൽ വിശകലനം ചെയ്യുവാനായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഉയർന്ന റെസലൂഷനിലുള്ള കളർ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി  ലഭ്യമാക്കിയിരിക്കുന്നത് എന്നതിനാൽ സൈസ് കൂടുതലാണ്. അതിനാൽ അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുക. ഡൗൺലോഡ് ചെയ്യുന്നവർ നേരിട്ട് ഡൗൺലോഡ് ചെയ്യാൻ ശ്രമിക്കാതെ ഡൗ‌ൺലോഡ് ആക്സിലറേറ്റർ പോലുള്ള ടൂൾ വഴി ഡൗ‌ൺലോഡ് ചെയ്യുക. (മൊബൈലിൽ ഡൗൺലോഡ് ചെയ്യാൻ ശ്രമിക്കരുത്. ഫയൽ സൈസ് കൂടുതൽ ആയതിനാൽ മൊബൈലിലെ ഡൗ‌ൺലോഡിങിനു പ്രശ്നം ഉണ്ടാവാൻ സാദ്ധ്യതയുണ്ട്).

Comments

comments