1975ൽ ഒൻപതാം ക്ലാസ്സിൽ പഠിച്ചവർക്കു ഉപയോഗിക്കാനായി തയ്യാറാക്കി പ്രസിദ്ധീകരിച്ച ജീവശാസ്ത്രം എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഇതു വരെ ഡിജിറ്റൈസ് ചെയ്ത് റിലീസ് ചെയ്ത നൂറിൽ പരം പാഠപുസ്തകങ്ങളിൽ ഏറ്റവും പുതിയ പാഠപുസ്തകം ആണിത്. മാത്രമല്ല, നമുക്ക് ലഭിക്കുന്ന ആദ്യത്തെ ജീവശാസ്ത്ര പാഠപുസ്തകവും ആണിത്. ഈ പാഠപുസ്തകം പഠിച്ച ധാരാളം പേർ നമുക്ക് ഇടയിൽ ഉണ്ടാവും.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
ശ്രീ ഡൊമനിക്ക് നെടും‌പറമ്പലിന്റെ ശേഖരത്തിൽ നിന്നുള്ളതാണ് ഈ പാഠപുസ്തകം. എന്റെ സുഹൃത്തുക്കളായ ശ്രീ കണ്ണൻഷണ്മുഖവും ശ്രീ അജയ് ബാലചന്ദ്രനും ഇത് എനിക്കു ഡിജിറ്റൈസേഷനായി എത്തിച്ചു തരാനുള്ള വലിയ പ്രയത്നത്തിൽ പങ്കാളികളായി. എല്ലാവർക്കും വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: ജീവശാസ്ത്രം – സ്റ്റാൻഡേർഡ് 9
- പ്രസിദ്ധീകരണ വർഷം: 1975
- താളുകളുടെ എണ്ണം: 308
- പ്രസാധനം: കേരള സർക്കാർ
- അച്ചടി: വൽസ പ്രിന്റേഴ്സ്, തിരുവനന്തപുരം
- സ്കാനുകൾ ലഭ്യമായ പ്രധാന താൾ (gpura.org): കണ്ണി
- സ്കാനുകൾ ലഭ്യമായ പ്രധാന താൾ (archive.org): കണ്ണി