1890 – ഇന്ദുലെഖാ – രണ്ടാം പതിപ്പ് – ഒ. ചന്തുമെനൊൻ

ആമുഖം

മലയാളത്തിലെ ലക്ഷണമൊത്ത ആദ്യത്തെ നോവൽ എന്ന് പറയപ്പെടുന്ന ഇന്ദുലേഖയുടെ 1890ൽ പ്രസിദ്ധീകരിച്ച രണ്ടാം പതിപ്പിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്. ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിലുള്ള ഒരു പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന പതിനാറാമത്തെ പൊതുസഞ്ചയ രേഖയാണ് ഇത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: ഇന്ദുലെഖാ, ഇംഗ്ലീഷ നൊവൽ മാതിരിയിൽ എഴുതപ്പെട്ടിട്ടുള്ള ഒരു കഥ
  • പതിപ്പ്: രണ്ടാം പതിപ്പ്
  • താളുകളുടെ എണ്ണം: ഏകദേശം 430
  • പ്രസിദ്ധീകരണ വർഷം:1890
  • രചയിതാവ്: ഒ. ചന്തുമെനൊൻ
  • പ്രസ്സ്: കൊഴിക്കൊട സ്പെക്ടെട്ടർ അച്ചുകൂടം
1890 - ഇന്ദുലെഖ രണ്ടാം പതിപ്പ്
1890 – ഇന്ദുലെഖ രണ്ടാം പതിപ്പ്

ഇന്ദുലെഖാ രണ്ടാം പതിപ്പിന്റെ ഡിജിറ്റൽ സ്കാനിനെ പറ്റി

മലയാളത്തിലെ ലക്ഷണമൊത്ത ആദ്യത്തെ നോവൽ എന്ന് പറയപ്പെടുന്ന ഇന്ദുലേഖയുടെ ഒന്നാം പതിപ്പ് ഏകദേശം 2 വർഷം മുൻപ് സി.വി. രാധാകൃഷ്ണൻ സാറിന്റെ പ്രയത്നം മൂലം നമുക്ക് ലഭ്യമായതാണ്. അതിനെ പറ്റി അല്പം വിശദമായി ഒന്നാം പതിപ്പിന്റെ ഡിജിറ്റൽ സ്കാൻ റിലീസ് ചെയ്തപ്പോൾ ഉപന്യസിച്ചതാണ്. ആ ബ്ളോഗ് പൊസ്റ്റ് ഇവിടെ കാണാം. https://shijualex.in/1889indulekhaedition1/

ഒന്നാം പതിപ്പിനെ പറ്റിയുള്ള വിവരണത്തിൽ സൂചിപ്പിച്ച പോലെ രണ്ടാം പതിപ്പിനെ പ്രത്യേകതയുള്ളത് ആക്കുന്നത്, ഈ പതിപ്പിന്റെ പുനഃപ്രസിദ്ധീകരണമാണ് നമ്മൾ ഇപ്പോൾ കാണുന്ന ഇന്ദുലേഖ പതിപ്പുകൾ ഒക്കെയും എന്നതാണ്. ആ വിധത്തിൽ ഈ പതിപ്പ് പ്രാധാന്യമുള്ളതാണ്. മുഖപേജിൽ തന്നെ ഗ്രന്ഥകർത്താവിനാൽ സൂക്ഷ്മത്തൊടെ പരിശൊധിക്കപ്പെട്ട് നവീകരിക്കപ്പെട്ട പതിപ്പാണ് ഇതെന്ന് പറയുന്നുണ്ട്. അതിനാൽ ഒന്നാം പതിപ്പ് ഇതിൽ നിന്നു വ്യത്യസ്തമായിരുന്നു എന്ന് വ്യക്തമാണ്.

ഇന്ദുലേഖയെ പറ്റി എനിക്ക് അറിയുന്ന വിവരങ്ങൾ ഒക്കെയും ഒന്നാം പതിപ്പിന്റെ ബ്ലോഗ് പൊസ്റ്റിൽ വിശദീകരിച്ചതിനാൽ കൂടുതൽ അതിനെ പറ്റി എഴുതുന്നില്ല. ഈ പുസ്തകത്തിലെ ഉള്ളടക്കത്തിൽ താല്പര്യമുള്ളവർ ഈ പുസ്തകം വിശകലനം ചെയ്യുമല്ലോ. കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഉയർന്ന റെസലൂഷനിലുള്ള കളർ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി ലഭ്യമാക്കിയിരിക്കുന്നത്. അതിനാൽ സ്കാനുകളുടെ സൈസ് കൂടുതൽ ആണ്. അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുന്നതായിരിക്കും നല്ലത്.

ട്യൂബിങ്ങൻ ലൈബ്രറി സൈറ്റിൽ നിന്നും ആർക്കൈവ്.ഓർഗിൽ നിന്നും വിക്കിമീഡിയ കോമൺസിൽ നിന്നും ഈ രേഖ പരിശോധിക്കാനുള്ള സൗകര്യം ലഭ്യമാക്കിയിട്ടൂണ്ട്. രേഖ PDF ആയി ഡൗൺലോഡ് ചെയ്യാൻ archive.orgൽ സ്കാൻ ലഭ്യമായ പ്രധാന താളിന്റെ കാണുന്ന DOWNLOAD OPTIONS എന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക. PDF എന്ന ലിങ്കിലൂടെ കർസർ ഓടിച്ചാൽ ആ ഫയലിന്റെ സൈസ് എത്രയെന്ന് അവിടെ സൂചിപ്പിച്ചിരിക്കുന്നതും കാണാവുന്നതാണ്.

(മൊബൈലിൽ ഡൗൺലോഡ് ചെയ്യാൻ ശ്രമിക്കരുത്. ഫയൽ സൈസ് കൂടുതൽ ആയതിനാൽ മൊബൈലിലെ ഡൗ‌ൺലോഡിങിനു പ്രശ്നം ഉണ്ടാവാൻ സാദ്ധ്യതയുണ്ട്)

 

1888 – യോസേഫ് യാക്കോബി എന്ന സ്വദേശപ്രബോധകന്റെ ജീവചരിത്രം

ആമുഖം

ബാസൽ മിഷൻ പ്രസിദ്ധീകരിച്ച യോസേഫ് യാക്കോബി എന്ന സ്വദേശപ്രബോധകന്റെ ജീവചരിത്രം എന്ന പുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പുറത്ത് വിടുന്നത്. ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിലുള്ള ഒരു പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന പതിനഞ്ചാമത്തെ  പൊതുസഞ്ചയ രേഖയാണ് ഇത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: യോസേഫ് യാക്കോബി എന്ന സ്വദേശപ്രബോധകന്റെ ജീവചരിത്രം
  • താളുകളുടെ എണ്ണം: ഏകദേശം 35
  • പ്രസിദ്ധീകരണ വർഷം:1888
  • രചയിതാവ്: റവ: ജെ. Knobloch
  • പ്രസ്സ്: ബാസൽ മിഷൻ പ്രസ്സ്, മംഗലാപുരം
യോസേഫ് യാക്കോബി എന്ന സ്വദേശപ്രബോധകന്റെ ജീവചരിത്രം
യോസേഫ് യാക്കോബി എന്ന സ്വദേശപ്രബോധകന്റെ ജീവചരിത്രം

ഈ പൊതുസഞ്ചയരേഖയുടെ ഡിജിറ്റൽ സ്കാനിനെ പറ്റി

പേരു സൂചിപ്പിക്കുന്നത് പോലെ ഇത് ബാസൽ മിഷൻ സഭയുടെ സ്വദേശിയായ ഒരു പ്രബോധകന്റെ ജീവചരിത്രം ആണ്. ഇത് എഴുതിയ റവ: ജെ. Knobloch വേറെയും പല മലയാളപുസ്തകങ്ങളും പ്രസിദ്ധീകരിച്ചിട്ട് ഉണ്ടെന്ന് കാണുന്നു. അത് വഴിയേ പുറത്ത് വരും.

ഈ പുസ്തകത്തിലെ ഉള്ളടക്കത്തിൽ താല്പര്യമുള്ളവർ ഈ പുസ്തകം വിശകലനം ചെയ്യുമല്ലോ. കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഉയർന്ന റെസലൂഷനിലുള്ള കളർ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി ലഭ്യമാക്കിയിരിക്കുന്നത്. അതിനാൽ സ്കാനുകളുടെ സൈസ് കൂടുതൽ ആണ്. അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുന്നതായിരിക്കും നല്ലത്.

ട്യൂബിങ്ങൻ ലൈബ്രറി സൈറ്റിൽ നിന്നും ആർക്കൈവ്.ഓർഗിൽ നിന്നും വിക്കിമീഡിയ കോമൺസിൽ നിന്നും ഈ രേഖ പരിശോധിക്കാനുള്ള സൗകര്യം ലഭ്യമാക്കിയിട്ടൂണ്ട്. രേഖ PDF ആയി ഡൗൺലോഡ് ചെയ്യാൻ archive.orgൽ സ്കാൻ ലഭ്യമായ പ്രധാന താളിന്റെ കാണുന്ന DOWNLOAD OPTIONS എന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക. PDF എന്ന ലിങ്കിലൂടെ കർസർ ഓടിച്ചാൽ ആ ഫയലിന്റെ സൈസ് എത്രയെന്ന് അവിടെ സൂചിപ്പിച്ചിരിക്കുന്നതും കാണാവുന്നതാണ്.

(മൊബൈലിൽ ഡൗൺലോഡ് ചെയ്യാൻ ശ്രമിക്കരുത്. ഫയൽ സൈസ് കൂടുതൽ ആയതിനാൽ മൊബൈലിലെ ഡൗ‌ൺലോഡിങിനു പ്രശ്നം ഉണ്ടാവാൻ സാദ്ധ്യതയുണ്ട്)

1857-പ്രാർത്ഥനാസംഗ്രഹം

ആമുഖം

കുറച്ചു ദിവസങ്ങൾക്ക് മുൻപ് 1875ൽ പ്രസിദ്ധീകരിച്ച മലയാള ഭാഷയിലുള്ള ആരാധനാപുസ്തക(ലിറ്റർജി)മായ കർണ്ണാടക തുളു മലയാള ദേശങ്ങളിലും ജർമ്മൻ ബോധകരാൽ ഉണ്ടായ സുവിശെഷ സഭകളിൽ വായിച്ചു നടക്കുന്ന പ്രാർത്ഥനാസംഗ്രഹം എന്ന പുസ്തകത്തിന്റെ ഡിജിറ്റൽ സ്കാൻ പങ്കു വെച്ചിരുന്നല്ലോ. ആ പുസ്തകത്തിന്റെ 1857ൽ ഇറങ്ങിയ ലിത്തോഗ്രഫിക്ക് പതിപ്പാണ് ഈ പോസ്റ്റിലൂടെ പങ്കു വെക്കുന്നത്. ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിലുള്ള ഒരു പുസ്തകമാണ്. ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന പതിനാലാമത്തെ പൊതുസഞ്ചയ രേഖയാണ് ഇത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: കർണ്ണാടക തുളു മലയാള ദേശങ്ങളിലും ജർമ്മൻ ബോധകരാൽ ഉണ്ടായ സുവിശെഷ സഭകളിൽ വായിച്ചു നടക്കുന്ന പ്രാർത്ഥനാസംഗ്രഹം
  • താളുകളുടെ എണ്ണം: ഏകദേശം 200
  • പ്രസിദ്ധീകരണ വർഷം:1857
  • പ്രസ്സ്: ബാസൽ മിഷൻ പ്രസ്സ്, തലശ്ശേരി
1857_പ്രാർത്ഥനാസംഗ്രഹം
1857_പ്രാർത്ഥനാസംഗ്രഹം

പ്രാർത്ഥനാസംഗ്രഹം എന്ന കൃതിയെപറ്റി

ബാസൽ മിഷൻ സഭകളുടെ ആരാധനാ പുസ്തകം ആണിത്. വിവിധ സന്ദർഭങ്ങൾക്ക് ഉപയോഗിക്കാനുള്ള വിവിധതരം പ്രാർത്ഥനകൾ ഒക്കെയും ഈ പുസ്തകത്തിൽ കാണാം. ഉള്ളടക്കത്തിന്റെ കാര്യത്തിൽ ഏകദേശമൊക്കെ 1875ലെ പതിപ്പിനോട് ഒക്കും. എന്നാൽ ലിത്തോഗ്രഫിക് പതിപ്പ് ആയതിനാൽ അതിന്റെ പ്രത്യേകതകൾ ഈ പുസ്തകത്തിൽ കാണാം.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ: