1962 – കഥകളി – സ്റ്റാൻഡേർഡ് 9

കേരള സർക്കാർ 1962ൽ ഒൻപതാം ക്ലാസ്സിലെ ഉപയോഗത്തിനായി പ്രസിദ്ധീകരിച്ച കഥകളി എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. കഥകളി എന്ന കലാരൂപത്തെപറ്റി പറ്റി സ്കൂൾ തലത്തിൽ പഠിക്കുന്നവർക്കായുള്ള ഡോക്കുമെന്റേഷൻ ആണ് ഈ പാഠപുസ്തകം. ധാരാളം വരചിത്രങ്ങളും ഫോട്ടോകളും കഥകളി എന്ന കലാരൂപത്തെ വിശദീകരിക്കാനായി ഇതിൽ ഉപയോഗിച്ചിരിക്കുന്നു.

ഇതിന്റെ ഉള്ളടക്കത്തിലൂടെ പോയപ്പോൾ ഒരു സാധാരണ പൊതുവിദ്യാലയത്തിൽ ഉപയോഗിച്ച പാഠപുസ്തകം ആണോ ഇതെന്ന കാര്യം എനിക്കു സംശയം ഉണ്ട്. അതു പോലെ ഇത് മലയാള പാഠപുസ്തകം ആയിരുന്നോ അതോ കലാ പാഠപുസ്തകം ആയിരുന്നോ? 1962 ഒൻപതാം ക്ലാസ്സിൽ പഠിച്ചവർ അതിനുള്ള ഉത്തരം തരും എന്നു പ്രതീക്ഷിക്കുന്നു. ഈ സംശയം നമ്മുടെ കലാവിദ്യാലയങ്ങളിൽ ഉപയോഗിച്ചിരുന്ന പാഠപുസ്തകങ്ങൾ കൂടെ ഡിജിറ്റൈസ് ചെയ്യേണ്ട പ്രാധാന്യത്തെകുറിച്ചാണ് എന്നെ ഓർമ്മപ്പെടുത്തുന്നത്. പക്ഷെ എണ്ണത്തിൽ വളരെ കുറവായ അത്തരം പാഠപുസ്തകങ്ങൾ ആരെങ്കിലും സൂക്ഷിച്ച് വെച്ചിട്ടൂണ്ടാകുമോ? കാത്തിരുന്ന് കാണുക തന്നെ.

—————————————————–

പുതുതായി ചേർത്തത്:
Harikumaran Sadanam ഈ വിഷയത്തെ പറ്റി എഴുതിയത്:
കേരളത്തിൽ ഒരു സമയത്ത് diversified പാഠ്യപദ്ധതി ഉണ്ടായിരുന്നു.അതായത്, ചില സ്കൂളുകളിൽ മലയാള ഉപപാഠപുസ്തകത്തിന്റെ സ്ഥാനത്ത് കൃഷി, കഥകളിയും പോലുള്ളവ നോൺ detailed ആയി ക്ലാസ്സ് പകരം നടത്തുന്ന സമ്പ്രദായം.ഈ സമ്പ്രദായം പാലക്കാട് ജില്ലയിലുള്ള സദനം സ്കൂൾ (പത്തിരിപ്പാല) വെള്ളിനേഴി സ്കൂൾ,കൊല്ലങ്കോട് രാജാസ് ഹൈസ്കൂൾ, തിരുവനന്തപുരം സെൻട്രൽ സ്കൂൾ, തുടങ്ങിയ സ്കൂളുകളിൽ ഉണ്ടായിരുന്നു. ആ പാഠ്യപദ്ധതി ഇപ്പോൾ നിർത്തലാക്കിയോ എന്നറിയില്ല.
——————————————–
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

 

1962 - കഥകളി - സ്റ്റാൻഡേർഡ് 9
1962 – കഥകളി – സ്റ്റാൻഡേർഡ് 9

കടപ്പാട്

അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.

രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.

  • പേര്: കഥകളി – സ്റ്റാൻഡേർഡ് 9
  • പ്രസിദ്ധീകരണ വർഷം: 1962
  • താളുകളുടെ എണ്ണം: 130
  • അച്ചടി: Press Ramses, Trivandrum
  • സ്കാനുകൾ ലഭ്യമായ പ്രധാന താൾ/ഓൺലൈൻ വായനക്കണ്ണി: കണ്ണി

 

Comments

comments

Google+ Comments

Leave a Reply