മൺമറഞ്ഞ സാഹിത്യകാരിയായ ബി. കല്യാണിഅമ്മ രചിച്ച വ്യാഴവട്ടസ്മരണകൾ എന്ന കൃതിയുടെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. സ്വദേശാഭിമാനി രാമകൃഷ്ണപിള്ളയുടെ പത്നിയായിരുന്ന ബി. കല്യാണിഅമ്മ അദ്ദേഹത്തോടൊപ്പമുള്ള തന്റെ 12 വർഷത്തെ കുടുംബജീവിതത്തെ അധികരിച്ച് എഴുതിയതാണ് ഈ കൃതി. വ്യാഴവട്ടസ്മരണകൾ എന്ന ഈ കൃതി അവരുടെ മികച്ച രചനയായി കരുതപ്പെടുന്നു. ബി. കല്യാണിഅമ്മയെ പറ്റിയുള്ള കുറച്ചു വിവരങ്ങൾ കേരള സാഹിത്യ അക്കാദമിയുടെ സൈറ്റിൽ ഇവിടെ കാണാം. 1958 തൊട്ട് കുറച്ചു വർഷം പത്താം ക്ലാസ്സിലെ ഉപപാഠപുസ്തകം ആയിരുന്നു ഈ കൃതി എന്ന് ഇതിലെ എഴുത്തുകൾ സൂചിപ്പിക്കുന്നു.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക.
- പേര്: വ്യാഴവട്ടസ്മരണകൾ
- രചന: ബി. കല്യാണിഅമ്മ
- പ്രസിദ്ധീകരണ വർഷം: 1958
- താളുകളുടെ എണ്ണം: 96
- അച്ചടി: മംഗളോദയം പ്രസ്സ്, തൃശ്ശൂർ
- സ്കാനുകൾ ലഭ്യമായ പ്രധാന താൾ/ഓൺലൈൻ വായനക്കണ്ണി: കണ്ണി