തിരുവിതാംകൂർ പ്രദേശത്ത് അഞ്ചാം ക്ലാസ്സിലെ ഉപയോഗത്തിനായി പ്രസിദ്ധീകരിച്ച കണക്കുപുസ്തകം (ഒന്നാം ഭാഗം) എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ശ്രീ എം.പി. കൃഷ്ണൻനമ്പ്യാർ ആണ് ഈ ഗണിതപാഠപുസ്തകത്തിന്റെ രചന നിർവ്വഹിച്ചിരിക്കുന്നത്. ഈ പുസ്തകം ഇറങ്ങിയ സമയത്ത് (1930കൾ) തിരുവിതാംകൂറിൽ നടപ്പുണ്ടായിരുന്ന നാണയ സമ്പ്രദായം, സമയക്രമം ഇതിനെ പറ്റിയൊക്കെ ഉള്ള പാഠങ്ങൾ ഈ പാഠപുസ്തകത്തിൽ കാണാം.
കവർ പേജ് നഷ്ടപ്പെട്ടിരിക്കുന്നു എന്ന ഒരു കുറവ് ഈ ഡിജിറ്റൽ കോപ്പിക്കുണ്ട്.മാത്രമല്ല അച്ചടി വിന്യാസം ശരിയല്ലാത്തതിനാൽ ഇതിന്റെ ഡിജിറ്റൈസേഷൻ അതീവദുഷ്കരമായിരുന്നു.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക
കടപ്പാട്
അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: കണക്കുപുസ്തകം (ഒന്നാം ഭാഗം)
- രചന: എം.പി. കൃഷ്ണൻനമ്പ്യാർ
- പ്രസിദ്ധീകരണ വർഷം: 1932
- താളുകളുടെ എണ്ണം: 144
- അച്ചടി: ARV Press, Trivandrum
- സ്കാനുകൾ ലഭ്യമായ പ്രധാന താൾ (gpura.org): കണ്ണി
- സ്കാനുകൾ ലഭ്യമായ പ്രധാന താൾ (archive.org): കണ്ണി