കേരളത്തിലെ ആദ്യകാല സ്വദേശി അച്ചുക്കൂടങ്ങളിൽ ഒന്നായ എസ്.റ്റി. റെഡ്യാർ & സൺസിൻ്റെ വിവി പ്രസ്സ് അച്ചുകൂടത്തിൻ്റെ കനകജൂബിലിയോട് അനുബന്ധിച്ച് 1937ൽ പുറത്തിറക്കിയ വിദ്യാഭിവർദ്ധിനി കനകജൂബിലി പ്രശസ്തി എന്ന സുവനീറിൻ്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. പുസ്തകത്തിൻ്റെ മുൻ കവർ പേജ് നഷ്ടപ്പെട്ടിരിക്കുന്നു എന്ന വലിയ കുറവ് ഈ സുവനീറിൻ്റെ ഡിജിറ്റൽ സ്കാനിനു ഉണ്ട്. പക്ഷെ ഈ സുവനീറിൻ്റെ മറ്റൊരു കോപ്പി എവീടെയെങ്കിലും ശേഷിച്ചിരിക്കാൻ സാദ്ധ്യത കുറവായതിനാൽ എൻ്റെ കൈയിൽ ഡിജിറ്റൈസേഷനായി കിട്ടിയ കോപ്പി അതേ പോലെ ഡിജിറ്റൈസ് ചെയ്ത് പങ്കുവെക്കുന്നു.
സുവനീറിൻ്റെ ആദ്യഭാഗത്ത് വിവി പ്രസ്സുമായി ബന്ധപ്പെട്ട വിവിധ സംഗതികളുടെ ചരിത്രം ഈ സുവനീറിൽ പ്രതിപാദിച്ചിരിക്കുന്നു. അതിനൊപ്പം തിരുവിതാംകൂറിലെ പുസ്തകപ്രസിദ്ധീകരണ വ്യവസായം പോലെ വിവിധ വിഷയങ്ങളിൽ ശ്രദ്ധേയമായ ലേഖനങ്ങളും ഈ സുവനീറിൻ്റെ ഭാഗമാണ്. മറ്റൊരു പ്രധാന സംഗതി ഈ സുവനീറിലെ ശ്രദ്ധേയമായ പരസ്യങ്ങളാണ്. ഇതൊക്കെ ഗവേഷകർക്ക് ഒരു മുതൽകൂട്ട് ആയിരിക്കും എന്നതിൽ സംശയമില്ല.
മണ്ണാർക്കാട്ടെ കെ.ജെ.ടി.എം. സഹൃദയ ലൈബ്രറിയിലെ പൊതുസഞ്ചയ പുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്. ആ പദ്ധതിയെ പറ്റിയുള്ള പ്രാഥമിക വിവരത്തിനു ഈ പോസ്റ്റ് കാണുക.
കടപ്പാട്
മണ്ണാർക്കാട്ടെ കെ.ജെ.ടി.എം. സഹൃദയ ലൈബ്രറിയിലെ പഴയ കാല രേഖകൾ ഡിജിറ്റൈസ് ചെയ്യാനുള്ള പദ്ധതിക്ക് അനുമതി നൽകിയ നിര്‍വാഹക സമിതി അംഗങ്ങൾക്കും, പദ്ധതി പ്രാവർത്തികമാക്കാൻ സഹകരിക്കുന്ന മറ്റുള്ളവർക്കും നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ രേഖയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും വെവ്വേറെ കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.
രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.
(ഉയർന്ന റെസലൂഷൻ ഉള്ള സ്കാൻ ആയതിനാൽ സൈസ് കൂടുതൽ ഉള്ളതു കൊണ്ട് മൊബൈൽ ഡിവൈസുകളിൽ ഈ സ്കാൻ ഡൗൺലൊഡ് ചെയ്താൽ വായിക്കാൻ പറ്റണം എന്നില്ല. അതിനാൽ ഡൗൺലോഡ് ചെയ്യുന്നവർ ദയവായി ലാപ്‌ടോപ്പോ/ഡെസ്ക്‌ടോപ്പോ പോലുള്ള ഡിവൈസുകൾ ഉപയോഗിക്കുക)
- പേര്: വിദ്യാഭിവർദ്ധിനി കനകജൂബിലി പ്രശസ്തി
- പ്രസിദ്ധീകരണ വർഷം: 1937
- താളുകളുടെ എണ്ണം: 170
- അച്ചടി:Indira Printing Works, Pettah, Trivandrum
- സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി