ആമുഖം
ഉത്തരരാമായണം അടക്കം ഒരു കൂട്ടം പൌരാണിക ഹൈന്ദവകൃതികളുടെ കൈയെഴുത്ത് പ്രതിയുടെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്.
ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിൽ നിന്നുള്ള ഒരു കൈയെഴുത്ത് രേഖയാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 146-ാമത്തെ പൊതുസഞ്ചയ രേഖ ആണിത്.
ഈ പൊതുസഞ്ചയരേഖയുടെ മെറ്റാഡാറ്റ
- പേര്: ഉത്തരരാമായണം, ദേവിമാഹാത്മ്യം, ചന്ദ്രസംഗമം കഥ, സീതാവൃത്തം, രാമായണം കഥ എന്നീ കൃതികളുടെ കൈയെഴുത്ത് പ്രതി
- താളുകളുടെ എണ്ണം: 101
- എഴുതപ്പെട്ട കാലഘട്ടം: 1750നും 1859നും ഇടയ്ക്കെന്ന് ട്യൂബിങ്ങനിലെ ഈ കൈയെഴുത്ത് രേഖയുടെ മെറ്റാഡാറ്റയിൽ കാണുന്നു.
![ഉത്തരരാമായണം - മറ്റു കൃതികൾ — കൈയെഴുത്തുപ്രതി](https://shijualex.in/wp-content/uploads/2018/09/utharamaramayanam-1024x592.jpg)
ഈ പൊതുസഞ്ചയരേഖയുടെ ഡിജിറ്റൽ സ്കാനിനെ പറ്റി
ഉത്തരരാമായണം, ദേവിമാഹാത്മ്യം, ചന്ദ്രസംഗമം കഥ, സീതാവൃത്തം, രാമായണം കഥ എന്നീ കൃതികളുടെ പൂർണ്ണമായതോ ഭാഗികമായതോ ആയ ഉള്ളടക്കമാണ് കൈയെഴുത്തുപ്രതിയിൽ ഉള്ളത്.
ഈ രേഖയെ വിലയിരുത്താൻ ഞാൻ ആളല്ല. ഇതിന്റെ പ്രത്യേകയും ഉള്ളടക്കവും ഒക്കെ കൂടുതൽ വിശകലനം ചെയ്യുവാനായി സ്കാൻ പങ്കു വെക്കുന്നു.
ഡൗൺലോഡ് വിവരങ്ങൾ
ഉയർന്ന റെസലൂഷനിലുള്ള ഗ്രേ സ്കെയിൽ സ്കാൻ മാത്രമാണ് ട്യൂബിങ്ങൻ യൂണിവേഴ്സിറ്റി ലഭ്യമാക്കിയിരിക്കുന്നത് എന്നതിനാൽ സൈസ് കൂടുതൽ ആണ്. അതിനാൽ അത്യാവശ്യമുള്ളവർ മാത്രം ഡൗൺലോഡ് ചെയ്ത് ബാക്കിയുള്ളവർ ഓൺലൈൻ റീഡിങ് സൗകര്യം ഉപയോഗിക്കുക.
- സ്കാൻ ലഭ്യമായ പ്രധാന താൾ: കണ്ണി
- ഡൗൺലോഡ് കണ്ണി: ഗ്രേ സ്കെയിൽ (150 MB)
You must be logged in to post a comment.