ജോർജ്ജ് അഞ്ചാമന്റെ കിരീടധാരണത്തോട് അനുബന്ധിച്ച് ചങ്ങരങ്കോത കൃഷ്ണൻകർത്താവ് എന്നയാൾ പ്രസിദ്ധീകരിച്ച പട്ടാഭിഷേക മഹോത്സവം എന്ന കൃതിയുടെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ദ്വിതീയാക്ഷരപ്രാസത്തിലാണ് ഈ കാവ്യം രചിച്ചിരിക്കുന്നത് എന്നാണ് ഞാൻ ശ്രദ്ധിച്ച ഒരു സംഗതി. അച്ചടി വർഷം ഏതെന്ന് ഈ പുസ്തകത്തിൽ രേഖപ്പെടുത്തിയിട്ടില്ല. കിരീടധാരണം നടന്നത് 1911ൽ ആയതിനാൽ ആ ഊഹം വെച്ചാണ് ഞാനിന്റെ മെറ്റാഡാറ്റ രേഖപ്പെടുത്തിയത്.

കടപ്പാട്

അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര്: പട്ടാഭിഷേക മഹോത്സവം
• രചന: ചങ്ങരങ്കോത കൃഷ്ണൻകർത്താവ്
• പ്രസിദ്ധീകരണ വർഷം: ഏകദേശം 1911
  
• താളുകളുടെ എണ്ണം: 24
• അച്ചടി: മംഗളോദയം പ്രസ്സ്, തൃശൂർ
  
• സ്കാനുകൾ ലഭ്യമായ പ്രധാന താൾ (gpura.org): കണ്ണി
• സ്കാനുകൾ ലഭ്യമായ പ്രധാന താൾ (archive.org): കണ്ണി

ഇതുവരെ ഡിജിറ്റൈസ് ചെയ്ത രേഖകൾ എല്ലാം കൂടെ നന്നായി മാനേജ് ചെയ്യാനും, രേഖകൾ തിരയുന്നവർക്ക് തിരച്ചിൽ എളുപ്പമാകുവാനുമായി https://archive.org/ ൽ Kerala Archives എന്ന പേരിൽ ഒരു മാസ്റ്റർ കളക്ഷൻ ഉണ്ടാക്കിയിരിക്കുന്നു. അതിന്റെ ലിങ്ക് https://archive.org/details/kerala-archives എന്നതാകുന്നു.

ഇതു വരെ ഡിജിറ്റസ് ചെയ്ത എല്ലാ സംഗതികളും ഈ കളക്ഷന്റെ കീഴിൽ കൊണ്ടുവരാനാണ് ശ്രമിക്കുന്നത്. അതായത് ഡിജിറ്റൈസ് ചെയ്ത കേരള രേഖകളുടെ പ്രധാന എൻട്രി പോയിന്റ് ഇതായിരിക്കും. ഈ കളക്ഷൻ നിർമ്മിച്ചിട്ട് കുറച്ചു നാൾ ആയെങ്കിലും, ഡിജിറ്റൈസ് ചെയ്ത രേഖകൾ കളക്ഷനു കീഴിലേക്ക് കൊണ്ടുവരാൻ പറ്റിയിരുന്നില്ല. കഴിഞ്ഞ ദിവസങ്ങളിൽ സുഹൃത്തായ ബെഞ്ചമിൻ വർഗ്ഗീസ് സഹായിച്ചത് മൂലം പ്രധാനപ്പെട്ട മിക്കതും ഈ കളക്ഷനു കീഴിലേക്കു കൊണ്ടുവന്നു. അദ്ദേഹത്തിനു വളരെ നന്ദി. ഇതിനു വേണ്ട ലോഗോയും മറ്റും നിർമ്മിച്ചു തരുന്നത് രാജേഷ് ഒടയഞ്ചാലാണ്. അദ്ദേഹത്തിനും നന്ദി.

Kerala Archives എന്ന മാസ്റ്റർ കളക്ഷനു (https://archive.org/details/kerala-archives) കീഴിൽ നിലവിൽ താഴെ പറയുന്ന 4 സബ് കളക്ഷനുകൾ ഉണ്ട്

• Kerala Text Books – https://archive.org/details/kerala-text-books
• Kerala Sasthra Sahithya Parishad – https://archive.org/details/kssp-archives
• Malankara Edavaka Pathrika – https://archive.org/details/malankara-edavaka-pathrika
• Konniyoor Narendranath – https://archive.org/details/konniyoor-narendranath

ഈ 4 സബ് കളക്ഷനുകളുടെ ലിങ്ക് നേരിട്ടു തുറന്നാൽ, അതിൽ ഉള്ള പുസ്തകങ്ങളെ കുറച്ചു കൂടി നന്നായി ഫിൽറ്റർ ചെയ്തു കണ്ടുപിടിക്കാം.

ഗുണ്ടർട്ട് ലെഗസിയിലെ പുസ്തകങ്ങൾ https://archive.org/search.php?query=subject%3A%22Hermann+Gundert%22 എന്ന ലിങ്ക് വഴി ലഭിക്കും. അത് പക്ഷെ Kerala Archives നു കീഴിലേക്ക് കൊണ്ടുവരാൻ നിലവിൽ സങ്കേതിക പരിമിതികൾ ഉണ്ട്. പക്ഷെ https://archive.org/search.php?query=subject%3A%22Hermann+Gundert%22 ഈ ലിങ്ക് വഴി എല്ലാ പുസ്തകങ്ങളും കാണാവുന്നതും ഫിൽറ്റർ ചെയ്തു വായിക്കാവുന്നതും ആണ്.

Kerala Archives എന്ന മാസ്റ്റർ കളക്ഷനു കീഴിൽ നിലവിൽ 1100 ഓളം ഡിജിറ്റൽ സ്കാനുകൾ ആണുള്ളത്. മുൻപോട്ട് പോകുമ്പോൾ ഈ കളക്ഷൻ വളരും.

ഈ കളക്ഷനിലെ രേഖകൾ സൗജന്യമാണ്. ഓൺലൈനായി വായിക്കുകയോ, പിഡിഎഫ് ഡൗൺ ലോഡ് ചെയ്തോ, ലിങ്കുകൾ ഷെയർ ചെയ്തോ ഒക്കെ ഇതു പുനരുപയോഗിക്കാവുന്നതാണ്. യാതൊരു വിധ ഗുണനിലവാര പ്രശ്നങ്ങളോ ആക്സസിബിലിറ്റി പ്രശ്നങ്ങളോ ഇല്ലാതെ ഇത്രയധികം കേരളരേഖകൾ പൊതു ഇടത്തിലേക്ക് കൊണ്ടു വരാൻ സാധിച്ചു എന്നതിൽ എനിക്കു സന്തോഷമുണ്ട്.