1920കളിൽ തിരുവിതാംകൂർ പ്രദേശത്തെത്തെ സ്കൂളുകളിൽ രണ്ടാം ക്ലാസ്സിൽ പഠിക്കുന്നവർക്കു ഉപയോഗിക്കാനായി മൿമില്ലൻ & കമ്പനി പ്രസിദ്ധീകരിച്ച മലയാള രണ്ടാം പാഠപുസ്തകം എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഇതിന്റെ കവർ പേജും ടൈറ്റിൽ പേജും നഷ്ടപ്പെട്ടിരിക്കുന്നതിനാൽ പ്രസിദ്ധീകരിച്ച വർഷം കൃത്യമായി അറിയില്ല. ഈ കാലഘട്ടത്തിൽ പ്രസിദ്ധീകരിച്ച മറ്റു തിരുവിതാംകൂർ പാഠപുസ്തകങ്ങളിലെ സൂചനകളിൽ നിന്നാണ് ഇത് 1920കളിലെ തിരുവിതാംകൂർ പാഠപുസ്തകം ആണെന്ന നിഗമനത്തിൽ എത്തുന്നത്.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: മലയാള രണ്ടാം പാഠപുസ്തകം – തിരുവിതാംകൂർ – മൿമില്ലൻ
- പ്രസിദ്ധീകരണ വർഷം: ടൈറ്റിൽ പേജ് നഷ്ടപ്പെട്ടതിനാൽ കൃത്യമായി അറിയില്ല
- താളുകളുടെ എണ്ണം: 92
- പ്രസാധകർ: മക്മില്ലൻ & കമ്പനി ലിമിറ്റഡ് (മറ്റു സൂചനകളിൽ നിന്ന്)
- അച്ചടി: ടൈറ്റിൽ പേജ് നഷ്ടപ്പെട്ടതിനാൽ കൃത്യമായി അറിയില്ല
- സ്കാനുകൾ ലഭ്യമായ പ്രധാന താൾ (gpura.org): കണ്ണി
- സ്കാനുകൾ ലഭ്യമായ പ്രധാന താൾ (archive.org): കണ്ണി
You must be logged in to post a comment.