തിരുവിതാംകൂർ സർക്കാർ 1947ൽ ഒന്നും രണ്ടും ഫാറത്തിലെ (ഇന്നത്തെ അഞ്ച്, ആറ് ക്ലാസ്സുകൾ) ഉപയോഗത്തിനായി പ്രസിദ്ധീകരിച്ച, പ്രകൃതി പാഠപ്രവേശിക എന്ന ജീവശാസ്ത്ര പാഠപുസ്തകത്തിന്റെ രണ്ടാം ഭാഗത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഈ പുസ്തകം ജന്തുജീവിതം, സസ്യജീവിതം എന്നിങ്ങനെ രണ്ടായി തിരിച്ചിരിക്കുന്നു. അതിൽ തന്നെ ഒന്നും രണ്ടും ഫാറത്തിലെ പാഠങ്ങൾ വേറിട്ട് തുടക്കത്തിലെ വിഷയസംക്ഷേപത്തിൽ കാണിച്ചിരിക്കുന്നു.

നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

കടപ്പാട്

അദ്ധ്യാപകൻ കൂടിയായ ടോണി ആന്റണി മാഷുടെ ശേഖരത്തിൽ നിന്നുള്ളതാണ് ഈ പുസ്തകം. അത് ഡിജിറ്റൈസേഷനായി ലഭ്യമാക്കിയ അദ്ദേഹത്തിന്നു വളരെ നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര്: പ്രകൃതി പാഠപ്രവേശിക  (രണ്ടാം ഭാഗം)
• പ്രസിദ്ധീകരണ വർഷം: 1947
  
• താളുകളുടെ എണ്ണം: 150
• അച്ചടി: മോഡേൺ പ്രസ്സ്, തിരുവനന്തപുരം
  
• സ്കാനുകൾ ലഭ്യമായ പ്രധാന താൾ (gpura.org): കണ്ണി
• സ്കാനുകൾ ലഭ്യമായ പ്രധാന താൾ (archive.org): കണ്ണി