1936ൽ രണ്ടാം ഫാറത്തിൽ (ഇന്നത്തെ ആറാം ക്ലാസ്സിനു സമാനം) പഠിച്ചവർ ഉപയോഗിച്ച ശാസ്ത്ര പാഠപുസ്തകമായ പ്രകൃതിശാസ്ത്രം – രണ്ടാം ഭാഗം – രണ്ടാം ഫാറത്തിലേക്ക് എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. ഗ്രന്ഥകർത്തമായ പി. അപ്പുക്കുട്ട മേനോൻ എഴുതിയ പ്രസ്താവനയിൽ നിന്ന് ഇത് മലബാർ മേഖലയിൽ ഉപയോഗിച്ച പുസ്തകം ആണെന്ന സൂചന ആണ് ലഭ്യമാകുന്നത്. ഒരുപക്ഷെ മറ്റു കേരളപ്രദേശങ്ങളിലും ഉപയൊഗിച്ചിട്ടൂണ്ടാവാം. ഗ്രന്ഥകർത്താവിൻ്റെ സഹോദരനായ കെ. ഗോപാലൻ കുട്ടി മേനോൻ ആണ് പുസ്തകത്തിനു വേണ്ട ചിത്രങ്ങൾ തയ്യാറാാക്കിയിരിക്കുന്നത്. പ്രസാധകരായ വി. സുന്ദരയ്യർ ആൻ്റു് സൺസിൻ്റെ പ്രേരണയാലാണ് ശാസ്ത്രം മാതൃഭാഷയിൽ പഠിക്കണം എന്ന ഉദ്ദേശത്തോടെ ഈ പാഠപുസ്തകം തയ്യാറാക്കിയത് എന്ന് ഗ്രന്ഥകർത്തമായ പി. അപ്പുക്കുട്ട മേനോൻ ആമുഖത്തിൽ പ്രസ്താവിക്കുന്നു.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
ഡൊമനിക്ക് നെടും‌പറമ്പിൽ ആണ് ഈ പുസ്തകം ലഭ്യമാക്കിയത്. ഇത് എനിക്കു ഡിജിറ്റൈസേഷനായി ബാംഗ്ലൂരിൽ എത്തിച്ചു തരാൻ എൻ്റെ സുഹൃത്തുക്കളായ കണ്ണൻ ഷണ്മുഖവും അജയ് ബാലചന്ദ്രനും സഹായിച്ചു. ഇവർക്ക് എല്ലാവർക്കും നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.
രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.
You must be logged in to post a comment.