1918 – ശ്രീവാഴുംകോട് – പുസ്തകം ൧ ലക്കം ൩

ആമുഖം

ശ്രീവാഴും കോട് മാസികയുടെ മൂന്നാമത്തെ ലക്കത്തിന്റെ ഡിജിറ്റൽ സ്കാനാണ് ഇന്നു പങ്കുവെക്കുന്നത്. ഇതിനു മുൻപത്തെ ലക്കങ്ങളെ പോലെ ഈ ലക്കവും നമുക്ക് ശരത്ത് സുന്ദറിന്റെ സ്വകാര്യ ശേഖരത്തിൽ നിന്നാണ് ലഭ്യമായിരിക്കുന്നത്. ഡിജിറ്റൈസ് ചെയ്യാനായി ഈ അമൂല്യഗ്രന്ഥങ്ങളുടെ കോപ്പി ലഭ്യമാക്കുന്ന ശരത് സുന്ദറിനു പ്രത്യേക നന്ദി.

പുസ്തകത്തിന്റെ വിശദാംശങ്ങളിലേക്ക്

പുസ്തകത്തിന്റെ വിവരം

  • പേര്: ശ്രീവാഴുംകോട് പുസ്തകം ൧ ലക്കം ൩ (പുസ്തകം 1 ലക്കം 3)
  • താളുകൾ: 20
  • പ്രസാധകൻ: കെ.എം. കൃഷ്ണക്കുറുപ്പ് (ഏറ്റവും അവസാനത്തെ താളീലെ കുറിപ്പിൽ നിന്ന് മനസ്സിലാക്കിയ വിവരം) ഉടമസ്ഥൻ: ഇ.വി. രാമൻ ഉണ്ണിത്താൻ ആണെന്ന് രണ്ടാം താളിലെ കുറിപ്പിൽ സൂചന
  • പ്രസ്സ്: മനോമോഹനം പ്രസ്സ്, കൊല്ലം
  • പ്രസിദ്ധീകരണ വർഷം: 1918
1918 – ശ്രീവാഴുംകോട് – പുസ്തകം ൧ ലക്കം ൩
1918 – ശ്രീവാഴുംകോട് – പുസ്തകം ൧ ലക്കം ൩

ഉള്ളടക്കം

ഇന്ത്യയെ സംബന്ധിച്ച ചിത്രങ്ങൾ വരച്ച ചില യൂറോപ്യൻ ചിത്രകാരന്മാരെ പറ്റിയുള്ള ലേഖനം എടുത്തു പറയേണ്ടതാണ്.  വിവിധ വിഷയങ്ങളിൽ വേറെയും ലേഖനങ്ങൾ ഉണ്ട്. കേരളീയ മതം എന്ന ലേഖനവും ശ്രദ്ധേയം തന്നെ.

കൂടുതൽ ഉപയോഗത്തിനും വിശകലനത്തിനുമായി പുസ്തകത്തിന്റെ ഡിജിറ്റൽ പതിപ്പ് പങ്കു വെക്കുന്നു.

ഡൗൺലോഡ് വിവരങ്ങൾ

Google+ Comments

1930 – മലങ്കര മാർത്തോമ്മാ സുറിയാനി ക്രിസ്ത്യാനികളുടെ ഹാശാ ആഴ്ചയിലെ നമസ്കാരക്രമം

ആമുഖം

മാർത്തോമ്മാ സഭയുമായി ബന്ധപ്പെട്ട മറ്റൊരു പുസ്തകം കൂടി. ഹാശാ ആഴ്ചയിൽ (passion week) സഭയിൽ ഉപയോഗിക്കുന്ന പ്രാർത്ഥനകൾ അടങ്ങിയ ഹാശാക്രമം എന്ന പുസ്തകം 1930ൽ ആണ് ആദ്യമായി ക്രോഡീകരിച്ച് അച്ചടിച്ച് പ്രസിദ്ധീകരിച്ചത്. അതുവരെ  ഹാശാ ആഴ്ചയിലെ ശുശൂഷകൾ പലപള്ളികളിലും പല വിധത്തിൽ ആയിരുന്നു. 1930ൽ ഹാശാ ആഴ്ചയിൽ ഉപയോഗിക്കേണ്ട പ്രാർത്ഥകൾ ക്രോഡീകരിച്ച് അച്ചടിച്ചതൊടെ ഈ പ്രാർത്ഥനകൾക്ക് സഭയിൽ അടുക്കും ചിട്ടയും വന്നു. ഈ ഹാശാക്രമത്തിന്റെ 1930ലെ ഒന്നാമത്തെ പതിപ്പ് തന്നെയാണ് നമുക്ക് ഈ വട്ടം ലഭ്യമായിരിക്കുന്നത്. ഈ പതിപ്പ് ഡിജിറ്റൈസേഷനായി ലഭ്യമാക്കിയ  ശ്രീ. ജയിംസ് പാറമേലിനു നന്ദി

പുസ്തകത്തിന്റെ വിവരം

  • പേര്: മലങ്കര മാർത്തോമ്മാ സുറിയാനി ക്രിസ്ത്യാനികളുടെ ഹാശാ ആഴ്ചയിലെ നമസ്കാരക്രമം
  • വർഷം: 1930
  • പതിപ്പ്: ഒന്നാം പതിപ്പ്
  • താളുകൾ:  144
  • പ്രസ്സ്:TAM Press, Tiruvalla
മലങ്കര മാർത്തോമ്മാ സുറിയാനി ക്രിസ്ത്യാനികളുടെ ഹാശാ ആഴ്ചയിലെ നമസ്കാരക്രമം
മലങ്കര മാർത്തോമ്മാ സുറിയാനി ക്രിസ്ത്യാനികളുടെ ഹാശാ ആഴ്ചയിലെ നമസ്കാരക്രമം

ഉള്ളടക്കം

ശീർഷകം സൂചിപ്പിക്കുന്ന പോലെ ഹാശാ ആഴ്ചയിൽ ഓരോ ദിവസവും ഉപയോഗിക്കേണ്ട പ്രാർത്ഥനകൾ ആണ് പുസ്തകത്തിലെ ഉള്ളടക്കം. ഈ പുസ്തകം  പുറത്തിറക്കാൻ ഉലശേരിൽ യൗസേഫ് കശീശാ ആണ് മുൻകൈ എടുത്തതെന്ന് ആമുഖ പ്രസ്താവന സൂചിപ്പിക്കുന്നു.  ഓരോ ദിവസവും ഓരോ നേരത്തും ചൊല്ലേണ്ട പ്രാർത്ഥനകൾ   ഇംഗ്ലീഷ് ചുരുക്കെഴുത്ത് ഉപയോഗിച്ച് വേർ തിരിച്ച് കാണിച്ചിട്ടുണ്ട്. ഈ ആദ്യത്തെ പതിപ്പിൽ കാണുന്ന പല നേരത്തെ പ്രാർത്ഥനകളും (ഉദാ: തിങ്കളാഴ്ച ഉച്ചയ്ക്കത്തെ പ്രാർത്ഥന) ഇപ്പോൾ ഇറങ്ങുന്ന പുതിയ പതിപ്പുകളിൽ വിട്ടു കളഞ്ഞതായി കാണുന്നു.  കൂടുതൽ  ഉള്ളടക്ക വിശകലനം ഈ വിഷയത്തിൽ അവഗാഹം ഉള്ളവർ ചെയ്യുമല്ലോ. കൂടുതൽ വിശകലനത്തിനും ഉപയോഗത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

Google+ Comments

1923 – തീത്തൂസ് ദ്വിതീയൻ മാർത്തോമ്മാ മെത്രാപ്പോലീത്തയുടെ ജൂബിലിസ്തോത്ര ശുശ്രൂഷാക്രമം

ആമുഖം

തീത്തൂസ് ദ്വിതീയൻ മാർത്തോമ്മാ മെത്രാപ്പോലീത്തയുടെ ജൂബിലിസ്തോത്ര ശുശ്രൂഷാക്രമത്തിന്റെ ഡിജിറ്റൽ സ്കാനാണ് ഇന്ന് പങ്കു വെക്കുന്നത്. ഈ പതിപ്പ് ഡിജിറ്റൈസേഷനായി ലഭ്യമാക്കിയ ശ്രീവിദ്യാരത്നപ്രഭാ അച്ചുകൂടത്തിന്റെ പിന്മുറക്കാരനായ ശ്രീ. ജയിംസ് പാറമേലിനു നന്ദി

പുസ്തകത്തിന്റെ വിവരം

  • പേര്: തീത്തൂസ് ദ്വിതീയൻ മാർത്തോമ്മാ മെത്രാപ്പോലീത്തയുടെ ജൂബിലിസ്തോത്ര ശുശ്രൂഷാക്രമം
  • വർഷം: 1923
  • താളുകൾ:  34
  • പ്രസ്സ്:ദ നാഷണൽ പ്രിന്റിങ് ഹൗസ്, തിരുവല്ല
തീത്തൂസ് ദ്വിതീയൻ മാർത്തോമ്മാ മെത്രാപ്പോലീത്തയുടെ ജൂബിലിസ്തോത്ര ശുശ്രൂഷാക്രമം
തീത്തൂസ് ദ്വിതീയൻ മാർത്തോമ്മാ മെത്രാപ്പോലീത്തയുടെ ജൂബിലിസ്തോത്ര ശുശ്രൂഷാക്രമം

ഉള്ളടക്കം

1889-1944 കാലഘട്ടത്തിൽ മാർത്തോമ്മാ സഭയിലെ ബിഷപ്പായും, മെത്രാപ്പോലീത്തയായും ഒക്കെ സേവനമനുഷ്ഠിച്ച തീത്തൂസ് ദ്വിതീയൻ മെത്രാപ്പോലീത്തയുടെ എപ്പിസ്കോപ്പൽ രജതജൂബിലി 1923ൽ ആഘോഷിച്ചതിന്റെ ശുശ്രൂഷാക്രമത്തിന്റെ ഡിജിറ്റൽ സ്കാനാണ് ഇത്. മാർത്തോമ്മാ സഭയുമായി ബന്ധപ്പെട്ട് ചരിത്രപ്രാധാന്യമുള്ള ഒരു കൃതിയാണിത്. ഇതിലെ പ്രാർത്ഥകളിൽ അന്നത്തെ വിവിധ സഹോദരിസഭകളുമായുള്ള ബന്ധത്തെപറ്റിയും സാമൂഹികാന്തരീക്ഷത്തെ പറ്റിയും ഒക്കെയുള്ള പരാമർശങ്ങൾ കാണാം. കൂടുതൽ  ഉള്ളടക്ക വിശകലനം ഈ വിഷയത്തിൽ അവഗാഹം ഉള്ളവർ ചെയ്യുമല്ലോ. കൂടുതൽ വിശകലനത്തിനും ഉപയോഗത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

Google+ Comments