ശാസ്ത്രഗതി ശാസ്ത്രമാസിക ലക്കം 2 – 1967 ജനുവരി

കേരള ശാസ്ത്രസാഹിത്യ പരിഷത്തിന്റെ പ്രധാന മാസികകളിൽ ഒന്നായ ശാസ്ത്രഗതി എന്ന മാസികയുടെ രണ്ടാമത്തെ ലക്കത്തിന്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. 1967 ജനുവരിയിലാണ് രണ്ടാം ലക്കം ഇറങ്ങിയത്. ഇതിനു മുൻപ് 1966ൽ ഇറങ്ങിയ ശാസ്ത്രഗതിയുടെ ഒന്നാം ലക്കം നമ്മൾ കണ്ടിരുന്നു. ശാസ്ത്ര,സാമൂഹ്യ,സാമ്പത്തിക,വിദ്യാഭ്യാസ,സാംസ്കാരിക വിഷയങ്ങളിലെ ലേഖനങ്ങൾ ഉൾപ്പെടുത്തി പ്രസിദ്ധീകരിക്കുന്ന ഈ മാസിക മുതിർന്നവർക്ക് വേണ്ടിയുള്ള മാസികയാണ്.

എന്റെ കൈയ്യിൽ ഡിജിറ്റൈസേഷനായി ലഭ്യമായ ശാസ്ത്രഗതിയുടെ ലക്കങ്ങൾ ഒന്നിനും തന്നെ കവർ പേജില്ല. ഇത് അക്കാലത്ത് അങ്ങനെ കവർ പേജില്ലാതെയാണോ പ്രസിദ്ധീകരിച്ചിരുന്നത് എന്ന കാര്യം എനിക്കു ഉറപ്പില്ല. കാലപ്പഴക്കം മൂലം അക്ഷരങ്ങൾക്ക് മങ്ങലുണ്ടായ ചെറിയ പ്രശ്നം ഒഴിച്ചു നിർത്തിയാൽ അത്യാവശ്യം നല്ല നിലയിലുള്ള സ്കാൻ ആണ് നമുക്ക് ലഭ്യമായത്. ഇതിന്റെ ഉള്ളടക്കവിശലനം ഞാൻ നടത്തുന്നില്ല. അത് താല്പര്യമുള്ളവർ ചെയ്യുമല്ലോ.

കേരള ശാസ്ത്രസാഹിത്യ പരിഷത്തിന്റെ പഴയകാല മാസികകളും, പുസ്തകങ്ങളും, ലഘുലേഖകളും ഡിജിറ്റൈസ് ചെയ്യുന്ന പദ്ധതിയെ പറ്റിയുള്ള പ്രാഥമിക വിവരത്തിനു ഈ പോസ്റ്റ്കാണുക.

 

ശാസ്ത്രഗതി ലക്കം 2 - 1967 ജനുവരി
ശാസ്ത്രഗതി ലക്കം 2 – 1967 ജനുവരി

കടപ്പാട്

കേരള ശാസ്ത്രസാഹിത്യ പരിഷത്തിന്റെ പഴയ കാല രേഖകൾ ഡിജിറ്റൈസ് ചെയ്യാനുള്ള പദ്ധതിക്ക് അനുമതി നൽകിയ പരിഷത്തിന്റെ കേന്ദ്രനിര്‍വാഹക സമിതി അംഗങ്ങൾക്കും പദ്ധതി പ്രാവർത്തികമാക്കാൻ സഹകരിക്കുന്ന മറ്റുള്ളവർക്കും നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ ലഘുലേഖയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. രേഖ PDF  ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക.

  • പേര്: ശാസ്ത്രഗതി – രണ്ടാം ലക്കം  
  • പ്രസിദ്ധീകരണ വർഷം: 1967 ജനുവരി
  • താളുകളുടെ എണ്ണം: 120
  • പ്രസാധകർ: കേരള ശാസ്ത്രസാഹിത്യ പരിഷത്ത്
  • പ്രസ്സ്: മംഗളോദയം, തൃശൂർ
  • സ്കാൻ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി

1962 – കേരള ശാസ്ത്രസാഹിത്യപരിഷത്ത് രൂപീകരണ പത്രവാർത്തകൾ

1962ൽ കേരള ശാസ്ത്രസാഹിത്യപരിഷത്തിന്റെ തുടക്ക കാലത്ത് പരിഷത്ത് രൂപീകരിച്ചതിനെ പറ്റി 1962 ഏപ്രിൽ 8, 9 ദിവസങ്ങളിൽ വന്ന പത്രവാർത്തകളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. പരിഷത്തിന്റെ ആദ്യകാല പ്രവർത്തൻ ആയിരുന്ന കോന്നിയൂർ ആർ നരേന്ദ്രനാഥിന്റെ ശേഖരത്തിൽ  ഉണ്ടായിരുന്നവ ആണ് ഈ പത്രകട്ടിങുകൾ. പത്രം ഏതെന്ന് വ്യക്തമല്ല, ഇംഗ്ലീഷ് പത്രകട്ടിങ് ദി ഹിന്ദുവിലേത് ആണെന്ന് തോന്നുന്നു.

 

കേരള ശാസ്ത്രസാഹിത്യപരിഷത്ത് രൂപീകരണ പത്രവാർത്തകൾ
കേരള ശാസ്ത്രസാഹിത്യപരിഷത്ത് രൂപീകരണ പത്രവാർത്തകൾ

കടപ്പാട്

പരിഷത്തിന്റെ പഴയകാലരേഖകൾ ഡിജിറ്റൈസ് ചെയ്യുന്നതിനെ പറ്റിയുള്ള വിവരം അറിഞ്ഞ കോന്നിയൂർ ആർ. നരേന്ദ്രനാഥിന്റെ മകളായ ശ്രീലത ഈ പത്രക്കട്ടിങുകൾ ലഭ്യമാക്കിയത്. അവർക്കു നന്ദി..

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ ഡിജിറ്റൈസ് ചെയ്ത രേഖകളുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. രേഖ PDF  ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക.

  • പേര്: കേരള ശാസ്ത്രസാഹിത്യപരിഷത്ത് രൂപീകരണ പത്രവാർത്തകൾ
  • പ്രസിദ്ധീകരണ വർഷം: 1962
  • എണ്ണം: 3
  • സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി

1962 – ശാസ്ത്രസാഹിത്യപരിഷത്ത് – ഉൽഘാടനസ്മാരകം

1962ൽ കേരള ശാസ്ത്രസാഹിത്യപരിഷത്തിന്നു തുടക്കം കുറിച്ചപ്പോൾ പ്രസിദ്ധീകരിച്ച ശാസ്ത്രസാഹിത്യപരിഷത്ത് – ഉൽഘാടനസ്മാരകം എന്ന സുവനീറിന്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. 1962 സെപ്റ്റംബർ 10 നു കോഴിക്കോട് ദേവഗിരി കോളേജിൽ വച്ച് ശാസ്ത്രസാഹിത്യ പരിഷത്ത് ഔദ്യോഗികമായി ഉൽഘാടനം ചെയ്യപ്പെട്ടു. അന്നത്തെ കേന്ദ്രശാസ്ത്രഗവേഷണസാംസ്കാരിക മന്ത്രിയായിരുന്ന പ്രൊഫസർ ഹുമയൂൺ കബീർ ആയിരുന്നു ഉൽഘാടന കർമ്മം നിർവഹിച്ചത് എന്ന് ഈ സുവനീർ സൂചന നൽകുന്നു. (എന്നാൽ സുവനീറിൽ കാണുന്ന പ്രകാരം കേന്ദ്രമന്ത്രി പ്രൊഫസർ ഹുമയൂൺ കബീർ അല്ല, ദേവഗിരി കോളേജ് പ്രിൻസിപ്പൽ ആയിരുന്ന ഫാദർ തിയഡോഷ്യസ് ആണ് ഉദ്ഘാടനം നിർവഹിച്ചത് എന്ന് കേരള ശാസ്ത്രസാഹിത്യപരിഷത്തിന്റെ ഇപ്പോഴത്തെ ഭാരഭാഹികൾ പറയുന്നു)

മൺമറഞ്ഞ ചില കേരളശാസ്ത്രസാഹിത്യനായകന്മാർ, കെ.ജി. അടിയോടി എഴുതിയ ശാസ്ത്രസാഹിത്യകാരന്മാർക്കു് ഒരു സംഘടന, കോന്നിയൂർ ആർ നരേന്ദ്രനാഥ് എഴുതിയ “Sasthra Sahitya Parishath -An Organisation of the Science Writers of Kerala” എന്നീ ലേഖനങ്ങൾ മാത്രമാണ് ഈ സുവനീറിൽ ഉള്ളത്. തുടക്കത്തിൽ ഉൽഘാടന കാര്യപരിപാടിയുടെ വിശദാംശങ്ങളും കാണാം. ആദ്യത്തെ 14 താളുകളിലെ ഉള്ളടക്കം കഴിഞാൽ ബാകിയുള്ള പത്തു പേജുകളിൽ പരസ്യമാണ്.

പക്ഷെ പരിപാടി നടന്ന കോഴിക്കോട് ദേവഗിരി കോളേജിന്റെ പേര് സുവനീറിൽ കാണുന്നതേ ഇല്ല. അന്നത്തെ കോഴിക്കോട് കളക്ടർ ആയിരുന്ന മലയാറ്റൂർ രാമകൃഷ്ണനു് കോഴിക്കോട് ദേവഗിരി കോളേജിൽ ഈ പരിപാടി നടത്തുന്നതിൽ അതൃപ്തി ഉണ്ടായിരുന്നു എന്ന് പിൽക്കാലത്ത് കെ.ജി. അടിയോടി എഴുതിയ അനുഭവക്കുറിപ്പ് സൂചന നൽകുന്നു. അതാവണം ഉൽഘാടന സുവനീറിൽ സമ്മേളനം നടന്ന സ്ഥാപനത്തിന്റെ പേർ ഇല്ലാതായതിനു കാരണം. എന്തയാലും കേരളത്തിലെ ശാസ്ത്രസംഘടനകളുടെ ചരിത്രം പഠിക്കുന്നവർക്ക് ഇത്തരം വിവരങ്ങൾ പ്രയോജനപ്പെടും.

1962 - ശാസ്ത്രസാഹിത്യപരിഷത്ത് - ഉൽഘാടനസ്മാരകം
1962 – ശാസ്ത്രസാഹിത്യപരിഷത്ത് – ഉൽഘാടനസ്മാരകം

കടപ്പാട്

പുസ്തകം ഡിജിറ്റൈസേഷനായി ലഭ്യമാക്കിയതിനു കോന്നിയൂർ ആർ. നരേന്ദ്രനാഥിന്റെ മകളായ ശ്രീലതയ്ക്ക് പ്രത്യേക നന്ദി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. രേഖ PDF  ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ ക്ലിക്ക് ചെയ്യുക.

  • പേര്: ശാസ്ത്രസാഹിത്യപരിഷത്ത് – ഉൽഘാടനസ്മാരകം
  • പ്രസിദ്ധീകരണ വർഷം: 1962
  • താളുകളുടെ എണ്ണം: 24
  • പ്രസാധകർ: കേരള ശാസ്ത്രസാഹിത്യ പരിഷത്ത്
  • അച്ചടി: രേഖപ്പെടുത്തിയിട്ടില്ല
  • സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി