ആമുഖം

സുറിയാനി സഭ എന്ന മാസികയുടെ 1920ലെ 10, 11 ലക്കങ്ങൾ ചേർന്നുള്ള ലക്കത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്. യാക്കോബായ-ഓർത്തഡോക്സ് പക്ഷങ്ങളിൽ ഓർത്തഡോക്സ് പക്ഷത്തിന്റെ ചുമതലയിൽ പുറത്തിറങ്ങിയിരുന്ന മാസിക ആണെന്നാണ് ഒന്നു ഓടിച്ചു നോക്കിയപ്പോൾ മനസ്സിലായത്. കക്ഷി വഴക്കുമായി ബന്ധപ്പെട്ട സംഗതികളെ പറ്റിയുള്ള പരാമർശങ്ങളും ഒന്ന് ഓടിച്ചു നോക്കിയപ്പോൾ കണ്ടു.

ഈ പൊതുസഞ്ചയരേഖയുടെ മെറ്റാഡാറ്റ

• പേര്: സുറിയാനി സഭ, മാസിക
• താളുകളുടെ എണ്ണം: 54
• പ്രസിദ്ധീകരണ വർഷം:1920/കൊല്ലവർഷം 1095
• പ്രസ്സ്: സിറ്റി പ്രസ്സ്, തിരുവനന്തപുരം

ഡിജിറ്റൈസേഷൻ വിശേഷങ്ങൾ

ഇതിന്റെ പോസ്റ്റ് പ്രോസസിങ് പണികൾ മാത്രമാണ് ഞാൻ ചെയ്തത്. പേരു വെളിപ്പെടുത്താൻ ആഗ്രഹിക്കാത്ത ഒരാൾ ഫോട്ടോ എടുത്ത് തന്നതാണ്. പക്ഷെ ഫോട്ടോ എടുപ്പിൽ ഗുണനിലവാര മാനദണ്ഡങ്ങൾ പാലിക്കാത്തതു മൂലം സ്കാൻ ഔട്ട് പുട്ടിന്റെ ഗുണനിലവാരത്തെ ബാധിച്ചിട്ടൂണ്ട്. അതിനാൽ തന്നെ പോസ്റ്റ് പ്രോസസിങ് പണികൾക്ക് സമയമെടുത്തു. ഏറെ പണിപ്പെട്ട് പറ്റുന്ന വിധത്തിൽ ഗുണനിലവാരമുള്ള സ്കാൻ തന്നെ ആണ് ലഭ്യമാക്കിയിരിക്കുന്നത്.

പുസ്തകത്തിന്റെ പ്രത്യേകതകൾ, ഉള്ളടക്കം

മലങ്കര ഓർത്തഡോക്സ് സഭയുമായി ബന്ധപ്പെട്ട വിവിധ ലേഖനങ്ങൾ ആണ് മാസികയുടെ ഉള്ളടക്കം.

അന്ത്യോഖ്യാ ബന്ധത്തെ പറ്റിയുള്ള ഒരു ലേഖനം കണ്ടു. ശ്രദ്ദേയമായമായി തോന്നിയ വേറൊരു ലേഖനം കരടുബിൽ എന്ന ലേഖനമാണ്. ഇതു ഇപ്പോൾ ഓർത്തഡൊക്സ്-യാക്കോബായ പക്ഷങ്ങളുടെ വഴക്കിന്റെ കേന്ദ്രസ്ഥാനത്തുള്ള 1934ലെ ഭരണഘടണയുടെ നിർമ്മാണവുമായി ബന്ധപ്പെട്ട ഒരു ലേഖനം ആണെന്നു ഞാൻ സംശയിക്കുന്നു. (എന്നാൽ ഈ വിഷയത്തിൽ വലിയ ജ്ഞാനമില്ലാത്തതിനാൽ എനിക്കിത് ഉറപ്പില്ല.)

ഇത് 1920ലെ 10,11 ലക്കങ്ങൾ കൂട്ടിചേർത്തുള്ള ലക്കമാണ്. Volume 1 എന്നു കാണുന്നതിനാൽ ഈ മാസിക പ്രസിദ്ധീകരണം തുടങ്ങിയത് 1919-1920 കാലഘട്ടത്തിൽ ആയിരിക്കാനാണ് സാദ്ധ്യത.

മറ്റൊരു പ്രത്യേക ഇതിന്റെ അച്ചടി സിറ്റി പ്രസ്സ്, തിരുവനന്തപുരം ആണ്. അച്ചടിയും പ്രസിദ്ധീകരണവും കോട്ടയത്ത് നിന്ന് അല്ലാത്തതിനാൽ ഇത് ഓർത്തഡോക്സ് സഭയുടെ ഔദ്യോഗിക മാസിക ആണെന്നു തോന്നുന്നില്ല. ഒരു പക്ഷെ ആത്മായരുടെ നേതൃത്വത്തിൽ സ്വതന്ത്രമായി പ്രസിദ്ധീകരിക്കപ്പെട്ടിരുന്നത് ആയിരിക്കാം. ചിത്രമെഴുത്ത് കെ.എം. വർഗ്ഗീസ്, എം.പി. വർക്കി തുടങ്ങിയ പ്രമുഖരുടെ ലേഖനങ്ങളും കണ്ടു.

ഈ പുസ്തകത്തിന്റെ ഉള്ളടക്കം ഇതിൽ കൂടുതൽ വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

• സ്കാൻ ലഭ്യമായ പ്രധാന താൾ: കണ്ണി 
• ഓൺലൈനായി വായിക്കാൻ: കണ്ണി
• ഡൗൺലോഡ് കണ്ണി: ഗ്രേ സ്കെയിൽ (14 MB)
• ഡൗൺലോഡ് കണ്ണി: ബ്ലാക്ക് ആന്റ് വൈറ്റ് (2 MB)

 

ആമുഖം

മലങ്കര ഇടവക പത്രിക എന്ന മാസികയുടെ 1900ാം ആണ്ടിലെ എനിക്കു ഡിജിറ്റൈസേഷനായി ലഭ്യമായ ഒൻപതാം ലക്കത്തിന്റെയും പന്ത്രണ്ടാം ലക്കത്തിന്റെയും ഡിജിറ്റൽ സ്കാനാണ് ഈ പോസ്റ്റിലൂടെ പങ്കു വെക്കുന്നത്. ഇതിൽ ഒൻപതാം ലക്കം അപൂർണ്ണമാണ്.  ഈ മാസിക പ്രസിദ്ധീകരണം തുടങ്ങിയതിനു ശെഷമുള്ള ഒൻപതാം വർഷത്തെ ലക്കങ്ങൾ ആണിത്.  ഇതിനു മുൻപ് ഈ ബ്ലോഗിലൂടെ താഴെ പറയുന്ന എട്ടു വർഷത്തെ ലക്കങ്ങൾ പൂർണ്ണമായോ ഭാഗികമായോ റിലീസ് ചെയ്തിരുന്നു.

• 1892 – കണ്ണി
• 1893 – കണ്ണി
• 1894 – കണ്ണി
• 1895 – കണ്ണി
• 1896 – കണ്ണി
• 1897 – കണ്ണി
• 1898 – കണ്ണി
• 1899 – കണ്ണി

ഈ പൊതുസഞ്ചയരേഖകളുടെ മെറ്റാഡാറ്റ

• പേര്: മലങ്കര ഇടവക പത്രിക – 1900ാം ആണ്ടിലെ ലെ 9, 12 ലക്കങ്ങൾ.
• താളുകളുടെ എണ്ണം: ഏകദേശം 20 പേജുകൾ വീതം. 
• പ്രസിദ്ധീകരണ വർഷം: 1900
• പ്രസ്സ്: Mar Thomas Press, Kottayam

അല്പം ചരിത്രം

മലങ്കര ഇടവക പത്രികയെ പറ്റിയുള്ള ചെറിയൊരു ആമുഖത്തിന്നു മലങ്കര ഇടവകപത്രികയുടെ പ്രസിദ്ധീകരണത്തിന്റെ ആദ്യ വർഷത്തെ (1892-ാം വർഷത്തെ) സ്കാൻ റിലീസ് ചെയ്തപ്പോൾ എഴുതിയ പോസ്റ്റിലെ  അല്പം ചരിത്രം എന്ന വിഭാഗം കാണുക.

സ്കാനുകളുടെ ഉള്ളടക്കം

സമയക്കുറവും, മറ്റു സംഗതികളിൽ ശ്രദ്ധകേന്ദ്രീകരീകേണ്ടതിനാലും ഇതിലെ ഓരോ താളിലൂടെയും കടന്നു പോവാൻ എനിക്കു പറ്റിയിട്ടില്ല. ഓടിച്ചു പോകുമ്പോൾ ശ്രദ്ധയിൽ പെടുന്ന ചില കൗതുകകരമായ ചില കുറിപ്പുകൾ സോഷ്യൽ മീഡിയയിൽ പൊസ്റ്റ് ചെയ്യുന്നതിനു അപ്പുറമുള്ള ഉള്ളടക്ക വിശകലനം ഞാൻ നടത്തിയിട്ടില്ല. അത് ഈ രേഖയിലെ വിഷയത്തിൽ താല്പര്യമുള്ള പൊതുസമൂഹം ചെയ്യുമെന്ന് പ്രത്യാശിക്കുന്നു.

എന്തായാലും  ഈ മാസികയിലെ നിരവധി ലേഖനങ്ങളിലൂടെ അന്നത്തെ ചരിത്രം രെഖപ്പെടുത്തിയിരിക്കുന്നു എന്നതിനാൽ ഇതൊക്കെ യഥാർത്ഥ ഗവെഷകർക്ക് അക്ഷയഖനി ആണ്.

ഇതിനപ്പുറം ഇതിന്റെ ഉള്ളടക്കം വിശകലനം ചെയ്യാൻ എനിക്കു അറിവും സമയവും ഇല്ല. ഉള്ളടക്ക വിശകലനം ഈ വിഷയങ്ങളിൽ താല്പര്യമുള്ളവർ ചെയ്യുമല്ലോ.

കടപ്പാട്, ഡിജിറ്റൈസേഷൻ വിശേഷങ്ങൾ

ഈ മാസികകൾ ഡിജിറ്റൈശേഷനായി ലഭ്യമായത് “മൂലയില്‍ കുര്യാക്കോസ് കോര്‍ എപ്പിസ്‌കോപ്പയുടെ“ ഗ്രന്ഥ ശേഖരത്തിൽ നിന്നാണ്. അതിനായി സഹായങ്ങൾ ചെയ്തു തന്ന അദ്ദേഹത്തിന്റെ മകൻ ലിജു കുര്യാക്കോസ് ആണ്. അവർക്കു രണ്ടു പേർക്കും നന്ദി.

മലങ്കര ഇടവക പത്രികയുടെ ഡിജിറ്റൈസേഷൻ വലിയ പ്രയത്നം ഉള്ള സംഗതി ആണ്. ഓരോ വർഷത്തെ 12 ലക്കങ്ങൾ നോക്കിയാൽ തന്നെ 300നടുത്ത് പേജുകൾ ഉണ്ടെന്ന് കാണാം. അങ്ങനത്തെ 17 വർഷ ലക്കങ്ങൾ ആണ് കൈകാര്യം ചെയ്യേണ്ടത്. അതിലൂടെ ഏകദേശം 4000ത്തിനടുത്ത് താളുകൾ കൈകാര്യം ചെയ്യേണ്ടതുണ്ട്. പതുക്കെയാണെങ്കിലും ഈ പദ്ധതി പൂർത്തീകരിക്കാൻ എനിക്കു കഴിയും എന്നു കരുതുന്നു.

പരമാവധി ഏറ്റവും നല്ല ഗുണനിലവാരത്തിൽ ആണ് സ്കാൻ ലഭ്യമാക്കിയിരിക്കുന്നത്. ഓരോ ലക്കത്തിന്റേയും തനിമ നിലനിർത്താൻ ഓരോ ലക്കത്തിനും വ്യത്യസ്തമായി തന്നെ സ്കാനുകൾ ലഭ്യമാക്കിയിട്ടൂണ്ട്. ഒരോ ലക്കത്തിന്നും ഗ്രേ സ്ക്കെയിലും ബ്ലാക്ക് ആൻഡ് വൈറ്റ് വേർഷനും വെവ്വേറെ ലഭ്യമാണ്. ചില ലക്കങ്ങളിലെ താളുകൾ കാലപ്പഴക്കം മൂലം അക്ഷരങ്ങൽ മാഞ്ഞു തുടങ്ങിയിട്ടൂണ്ട്. അങ്ങനെയുള്ളത് വ്യക്തമായി കാണാൻ ഗ്രേ സ്കെയിൽ വേർഷൻ തന്നെ ഉപയോഗിക്കുക.

ഡൗൺലോഡ് വിവരങ്ങൾ

മലങ്കര ഇടവക പത്രികയുടെ 1900ാം ആണ്ടിലെ 9, 12 ലക്കങ്ങൾ ഡിജിറ്റൈസ് ചെയ്തതിന്റെ വിവിധ രൂപങ്ങൾ.

ഓരോ ഗ്രേസ്കെയിൽ വേർഷനും ഏകദേശം 8MB മുതൽ 14MB വരെ വലിപ്പമുണ്ട്. ബാക്ക് ആന്റ് വൈറ്റ് എല്ലാം 1 MB ക്കു താഴെയാണ്. ചില പേജുകളിലെ ഉള്ളടക്കം വ്യക്തമായി കാണാൻ ഗ്രേ സ്കെയിൽ തന്നെ ഉപയോഗിക്കേണ്ടി വരും.

ഓരോ ലക്കത്തിന്റെ സ്കാനിന്റേയും വിവിധ രൂപങ്ങൾ താഴെ പട്ടികയിൽ.