കൊച്ചി സ്റ്റേറ്റ് പാഠപുസ്തപുസ്തക കമ്മറ്റി അംഗീകരിച്ച മലയാള പാഠപുസ്തകമായ മലയാളപാഠാവലി – നാലാം പാഠപുസ്തകം എന്ന പാഠപുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്. 1943ൽ പ്രസിദ്ധീകരിച്ച ഈ പുസ്തകം രചിച്ചിരിക്കുന്നത് ത്ര്ശൂർ സെൻ്റ് തോമസ് കോളേജ് പ്രൊഫസർ ആയിരുന്ന സി.എൽ. ആൻ്റണി ആണ്. ഇത് കൊച്ചി പ്രദേശത്ത് മാത്രം ഉപയോഗിച്ചിരുന്ന പാഠപുസ്തകം ആണൊ എന്ന് വ്യക്തമല്ല. കവർ പേജിൽ മലയാളപാഠാവലി എന്നേ കാണുന്നുള്ളൂ എങ്കിലും ടൈറ്റിൽ പേജിൽ അത് ഭാരത മലയാളപാഠാവലി ആകുന്നുണ്ട്. ഇത് ഒരു സീരീസിൻ്റെ ഭാഗമായി പ്രസിദ്ധീകരിച്ചത് ആകാം.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
കടപ്പാട്
ഡൊമനിക്ക് നെടും‌പറമ്പിൽ ആണ് ഈ പുസ്തകം ലഭ്യമാക്കിയത്. ഇത് എനിക്കു ഡിജിറ്റൈസേഷനായി ബാംഗ്ലൂരിൽ എത്തിച്ചു തരാൻ എൻ്റെ സുഹൃത്തുക്കളായ കണ്ണൻ ഷണ്മുഖവും അജയ് ബാലചന്ദ്രനും സഹായിച്ചു. ഇവർക്ക് എല്ലാവർക്കും നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. ഓർക്കുക. രേഖ ഡൗൺലോഡ് ചെയ്യാതെ നേരിട്ട് ഓൺലൈനിൽ നല്ല വ്യക്തതയോടെ തന്നെ വായിക്കാൻ ആവും. ആർക്കൈവ്.ഓർഗിന്റെ ഓൺലൈൻ റീഡിങ് സൗകര്യങ്ങൾ നന്നായി ഉപയോഗിക്കുക.
രേഖ PDF ആയി ഡൗൺലോഡ് ചെയ്യാൻ ആർക്കൈവ്.ഓർഗിൽ വലതുവശത്ത് കാണുന്ന DOWNLOAD OPTIONSഎന്ന വിഭാഗത്തിൽ നിന്ന് PDF എന്നതിൽ Right Click ചെയ്ത് Save link as എന്നതിൽ ക്ലിക്ക് ചെയ്ത് രേഖ നിങ്ങളുടെ ലാപ്പ് ടോപ്പ്/ഡേസ്ക് ടോപ്പിലേക്ക് സേവ് ചെയ്യുക.
- പേര്: മലയാളപാഠാവലി – നാലാം പാഠപുസ്തകം – സി.എൽ. ആൻ്റണി
- പ്രസിദ്ധീകരണ വർഷം: 1943
- താളുകളുടെ എണ്ണം: 88
- പ്രസാധനം/അച്ചടി: ഭാരതവിലാസം പ്രസ്സ് & ബുക്ക് ഡിപ്പോ, തൃശൂർ
- സ്കാനുകൾ ലഭ്യമായ പ്രധാന താൾ/ഓൺലൈൻ വായനാകണ്ണി: കണ്ണി