1917 – ലീലാതിലകം – ആറ്റൂർ കൃഷ്ണ പിഷാരടിയുടെ പരിഭാഷ

ആമുഖം

പതിനാലാം നൂറ്റാണ്ടിന്റെ ഒടുവിൽ രചിച്ചതെന്നു കരുതപ്പെടുന്ന ലീലാതിലകം എന്ന കൃതി ആറ്റൂർ കൃഷ്ണ പിഷാരടി പരിഭാഷ ചെയ്ത് 1917ൽ പ്രസിദ്ധീകരിച്ചതിന്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കു വെക്കുന്നത്.  മണിപ്രവാള (മലയാള) ഭാഷയുടേയും സാഹിത്യത്തിന്റേയും പ്രഥമ ലക്ഷണഗ്രന്ഥമായാണ് ലീലാതിലകം അറിയപ്പെടുന്നത്. രചയിതാവ് അജ്ഞാതനാണെങ്കിലും ലീലതിലകകാരൻ എന്ന പേരിൽ ഭാഷാ-സാഹിത്യ ചർച്ചകളിൽ പരാമർശിക്കപ്പെടുന്നു. സംസ്കൃത ഭാഷയിലാണ് മൂല ഗ്രന്ഥം രചിച്ചിട്ടുള്ളത്. അതിന്റെ മലയാള പരിഭാഷ ആണിത്.

ഈ പൊതുസഞ്ചയരേഖകളുടെ മെറ്റാഡാറ്റ

  • പേര്: ലീലാതിലകം – മലയാള പരിഭാഷ
  • താളുകളുടെ എണ്ണം: ഏകദേശം 135 താളുകൾ
  • പ്രസിദ്ധീകരണ വർഷം: 1917
  • രചയിതാവ്: അജ്ഞാതം. പരിഭാഷ: ആറ്റൂർ കൃഷ്ണപ്പിഷാരടി
  • പ്രസ്സ്: സരസ്വതിവിലാസം പ്രസ്സ്, തിരുവനന്തപുരം
1917 - ലീലാതിലകം

1917 – ലീലാതിലകം

പുസ്തക ഉള്ളടക്കം, കടപ്പാട്, ഡിജിറ്റൈസേഷൻ വിശേഷങ്ങൾ

ലീലാതിലകത്തെ പറ്റിയുള്ള ചെറിയ ഒരു വൈജ്ഞാനികലേഖനത്തിന്നു മലയാളം വിക്കിപീഡിയയിലെ ലീലാതിലകം എന്ന ലേഖനം കാണുക. ഈ പുസ്തകത്തിലെ വിഷയത്തെ പറ്റി ആധികാരികമായി എഴുതാൻ എനിക്കാവില്ല. അത് ഈ മേഖലയിലെ പണ്ഡിതർ ചെയ്യുന്നതാണ് ഉചിതം.

ഈ പുസ്തകം ഡിജിറ്റൈസേഷനായി ലഭ്യമായത് കാസർഗോഡുള്ള കേന്ദ്രസർവ്വകലാശാലയിലെ ഭാഷാശാസ്ത്രവിഭാഗത്തിലെ അസോസിയേറ്റ് പ്രൊഫസർ ആയ പ്രൊഫ. രവിശങ്കർ എസ് നായരുടെ ശേഖരത്തിൽ നിന്നാണ്. അദ്ദേഹത്തെപറ്റിയുള്ള കുറച്ച് വിവരങ്ങൾ ഇവിടെയും ഇവിടെയും ആയി കാണാം. ഡിജിറ്റൈസ് ചെയ്യാനായി ഈ പ്രധാനപ്പെട്ട ഗ്രന്ഥം ലഭ്യമാക്കിയ രവിശങ്കർ സാറിനു നന്ദിയും സ്നേഹവും കടപ്പാടും.

ഒരാഴ്ച ജോലിയിൽ നിന്ന്  അവധി എടുത്തിരിക്കുന്നതിനാൽ ഇതിന്റെ ഡിജിറ്റൈസേഷൻ വളരെ പെട്ടെന്ന് തന്നെ തീർത്തു.

പരമാവധി ഏറ്റവും നല്ല ഗുണനിലവാരത്തിൽ ആണ് സ്കാൻ ലഭ്യമാക്കിയിരിക്കുന്നത്. ഗ്രേ സ്ക്കെയിൽ പതിപ്പും ബ്ലാക്ക് ആൻഡ് വൈറ്റ് പതിപ്പും വെവ്വേറെ ലഭ്യമാണ്. ചില താളുകൾ കാലപ്പഴക്കം മൂലം അക്ഷരങ്ങൽ മാഞ്ഞു തുടങ്ങിയിട്ടൂണ്ട്. അങ്ങനെയുള്ളത് വ്യക്തമായി കാണാൻ ഗ്രേ സ്കെയിൽ വേർഷൻ തന്നെ ഉപയോഗിക്കേണ്ടി വരും.

ഡൗൺലോഡ് വിവരങ്ങൾ

ലീലാതിലക പരിഭാഷയുടെ 1917ലെ പതിപ്പ് ഡിജിറ്റൈസ് ചെയ്തതിന്റെ വിവിധ രൂപങ്ങൾ.

 

 

Google+ Comments

Posted in സരസ്വതീവിലാസം പ്രസ്സ് | Leave a comment

1896 – മലങ്കര ഇടവക പത്രിക – പുസ്തകം 5

ആമുഖം

മലങ്കര ഇടവക പത്രിക എന്ന മാസികയുടെ 1896ാം ആണ്ടിലെ എല്ലാ ലക്കങ്ങളുടെയും (12 ലക്കങ്ങൾ) ഡിജിറ്റൽ സ്കാനാണ് ഈ പോസ്റ്റിലൂടെ പങ്കു വെക്കുന്നത്. ഈ മാസിക പ്രസിദ്ധീകരണം തുടങ്ങിയതിനു ശെഷമുള്ള അഞ്ചാം വർഷത്തെ ലക്കങ്ങൾ ആണിത്.  ഇതിനു മുൻപ് ഈ ബ്ലോഗിലൂടെ താഴെ പറയുന്ന നാലു വർഷത്തെ ലക്കങ്ങൾ റിലീസ് ചെയ്തിരുന്നു.

ഈ പൊതുസഞ്ചയരേഖകളുടെ മെറ്റാഡാറ്റ

  • പേര്: മലങ്കര ഇടവക പത്രിക – 1896 ലെ 12ലക്കങ്ങൾ.
  • താളുകളുടെ എണ്ണം: ഓരോ ലക്കത്തിനും ഏകദേശം 20 പേജുകൾ വീതം. 1896 ലക്കം 5നു 20 പേജുള്ള ഒരു ഉപപത്രം (സപ്ലിമെന്റ്) കൂടെ ഉണ്ട്)
  • പ്രസിദ്ധീകരണ വർഷം: 1896
  • പ്രസ്സ്: Mar Thomas Press, Kottayam
1896 – മലങ്കര ഇടവക പത്രിക – പുസ്തകം 5

1896 – മലങ്കര ഇടവക പത്രിക – പുസ്തകം 5

അല്പം ചരിത്രം

മലങ്കര ഇടവക പത്രികയെ പറ്റിയുള്ള ചെറിയൊരു ആമുഖത്തിന്നു മലങ്കര ഇടവകപത്രികയുടെ പ്രസിദ്ധീകരണത്തിന്റെ ആദ്യ വർഷത്തെ (1892-ാം വർഷത്തെ) സ്കാൻ റിലീസ് ചെയ്തപ്പോൾ എഴുതിയ പോസ്റ്റിലെ  അല്പം ചരിത്രം എന്ന വിഭാഗം കാണുക.

സ്കാനുകളുടെ ഉള്ളടക്കം

ഇതിനു മുൻപുള്ള വർഷത്തെ ഉള്ളടക്കത്തിലെ പല ലേഖനങ്ങളൂം നവീകരണ സുറിയാനിക്കാരുടെ പ്രസിദ്ധീകരണം ആയിരുന്ന മലങ്കര സഭാ താരകയ്ക്ക് (ഈ മാസിക ഇപ്പൊഴും പ്രസിദ്ധീകരിക്കുന്നുണ്ട്) ഉള്ള മറുപടി ആയിരുന്നെങ്കിൽ 1896 ആയപ്പോഴേക്ക് അത്തരത്തിലുള്ള ഉള്ളടക്കം കുറഞ്ഞു തുടങ്ങി എന്നു കാണാം. അതിന്റെ ഒരു കാരണം മലങ്കര സഭാ താരകയുടെ പ്രസിദ്ധീകരണം ഇടക്കാലത്ത് കുറച്ചു നാൾ നിന്നു പോയതാണ്. അതിനാൽ തന്നെ 1896 ആയപ്പോഴേക്ക് മറ്റു വിഷയങ്ങളിൽ ഉള്ള ലേഖനങ്ങളിൽ കാണുന്നുണ്ട്. ചില ലേഖകങ്ങൾ റോമാ സുറിയാനി സഭയെ ലക്ഷ്യം വെച്ചുള്ളതാണ്. ഈ പന്ത്രണ്ടു ലക്കങ്ങളിലും  ചെറുവാർത്തകൾ കാണാം. അതിൽ പലതും സഭാസംബന്ധമല്ലാത്ത ചെറുകുറിപ്പുകൾ ആണ്. ഇതൊക്കെ ഈ മാസിക പ്രസിദ്ധീകരിച്ചിരുന്ന കാലഘട്ടത്തിന്റെ ചെറു ഡോക്കുമെന്റേഷൻ ആണ്.

സമയക്കുറവും, മറ്റു സംഗതികളിൽ ശ്രദ്ധകേന്ദ്രീകരീകേണ്ടതിനാലും ഇതിലെ ഓരോ താളിലൂടെയും കടന്നു പോവാൻ എനിക്കു പറ്റിയിട്ടില്ല. ഓടിച്ചു പോകുമ്പോൾ ശ്രദ്ധയിൽ പെടുന്ന ചില കൗതുകകരമായ ചില കുറിപ്പുകൾ സോഷ്യൽ മീഡിയയിൽ പൊസ്റ്റ് ചെയ്യുന്നതിനു അപ്പുറമുള്ള ഉള്ളടക്ക വിശകലനം ഞാൻ നടത്തിയിട്ടില്ല. അത് ഈ രേഖയിലെ വിഷയത്തിൽ താല്പര്യമുള്ള പൊതുസമൂഹം ചെയ്യുമെന്ന് പ്രത്യാശിക്കുന്നു.

എന്തായാലും  ഈ മാസികയിലെ നിരവധി ലേഖനങ്ങളിലൂടെ അന്നത്തെ ചരിത്രം രെഖപ്പെടുത്തിയിരിക്കുന്നു എന്നതിനാൽ ഇതൊക്കെ യഥാർത്ഥ ഗവെഷകർക്ക് അക്ഷയഖനി ആണ്.

ഇതിനപ്പുറം ഇതിന്റെ ഉള്ളടക്കം വിശകലനം ചെയ്യാൻ എനിക്കു അറിവും സമയവും ഇല്ല. ഉള്ളടക്ക വിശകലനം ഈ വിഷയങ്ങളിൽ താല്പര്യമുള്ളവർ ചെയ്യുമല്ലോ.

കടപ്പാട്, ഡിജിറ്റൈസേഷൻ വിശേഷങ്ങൾ

ഈ മാസികകൾ ഡിജിറ്റൈശേഷനായി ലഭ്യമായത് “മൂലയില്‍ കുര്യാക്കോസ് കോര്‍ എപ്പിസ്‌കോപ്പയുടെ“ ഗ്രന്ഥ ശേഖരത്തിൽ നിന്നാണ്. അതിനായി സഹായങ്ങൾ ചെയ്തു തന്ന അദ്ദേഹത്തിന്റെ മകൻ ലിജു കുര്യാക്കോസ് ആണ്. അവർക്കു രണ്ടു പേർക്കും നന്ദി.

എന്റെ SSD ഹാർഡ് ഡിസ്ക് അടിച്ചു പോയത് ഏറ്റവും അധികം ബാധിച്ച പദ്ധതികളിലൊന്ന്, മലങ്കര ഇടവക പത്രികയുടെ ഡിജിറ്റൈസേഷനാണ്. ഇതിന്റെ നിരവധി വർഷത്തെ ലക്കങ്ങൾ ഞാൻ സ്കാൻ ചെയ്തിരുന്നു എങ്കിലും പോസ്റ്റ് പ്രൊസസിങ് പണികൾ ബാക്കിയായായിരുന്നു. പക്ഷെ ഹാർഡ് ഡിസ്ക് പ്രശ്നം മൂലം ചെയ്തതൊക്കെ ഇനി ഒന്നും കൂടെ സ്കാൻ ചെയ്യേണ്ട സ്ഥിതിയായി പോയി. ഗുണ്ടർട്ട് ലെഗസി പദ്ധതി മൂലം അല്ലാതെ തന്നെ സമയമില്ലാതായി പോയ എനിക്ക് ഇത് ഏല്പിച്ച പ്രഹരം വലുതാണ്.

മലങ്കര ഇടവക പത്രികയുടെ ഡിജിറ്റൈസേഷൻ വലിയ പ്രയത്നം ഉള്ള സംഗതി ആണ്. ഓരോ വർഷത്തെ 12 ലക്കങ്ങൾ നോക്കിയാൽ തന്നെ 300നടുത്ത് പേജുകൾ ഉണ്ടെന്ന് കാണാം. അങ്ങനത്തെ 17 വർഷ ലക്കങ്ങൾ ആണ് കൈകാര്യം ചെയ്യേണ്ടത്. അതിലൂടെ ഏകഡേശം 4000ത്തിനടുത്ത് താളുകൾ കൈകാര്യം ചെയ്യേണ്ടതുണ്ട്. പതുക്കെയാണെങ്കിലും ഈ പദ്ധതി പൂർത്തീകരിക്കാൻ എനിക്കു കഴിയും എന്നു കരുതുന്നു.

1896 വർഷത്തെ ലക്കങ്ങളുടെ പ്രത്യേകത മകനു (സിറിൽ) പുറമേ 2.5 വയസ്സുകാരി മകൾ (അന്ന) കൂടെ ഡിജിറ്റൈസേഷനിൽ സഹായിക്കാൻ തുടങ്ങി എന്നതാണ്. വലിയ പണിയൊന്നും അല്ല, ഒരു ബട്ടൺ ക്ലിക്ക് ചെയ്യുന്ന പണിയാണ്. എങ്കിൽ പോലും അത് ഈ ബൃഹദ് പദ്ധതിയിൽ വലിയ സഹായമാണ്.

പരമാവധി ഏറ്റവും നല്ല ഗുണനിലവാരത്തിൽ ആണ് സ്കാൻ ലഭ്യമാക്കിയിരിക്കുന്നത്. ഓരോ ലക്കത്തിന്റേയും തനിമ നിലനിർത്താൻ ഓരോ ലക്കത്തിനും വ്യത്യസ്തമായി തന്നെ സ്കാനുകൾ ലഭ്യമാക്കിയിട്ടൂണ്ട്. ഒരോ ലക്കത്തിന്നും ഗ്രേ സ്ക്കെയിലും ബ്ലാക്ക് ആൻഡ് വൈറ്റ് വേർഷനും വെവ്വേറെ ലഭ്യമാണ്. ചില ലക്കങ്ങളിലെ താളുകൾ കാലപ്പഴക്കം മൂലം അക്ഷരങ്ങൽ മാഞ്ഞു തുടങ്ങിയിട്ടൂണ്ട്. അങ്ങനെയുള്ളത് വ്യക്തമായി കാണാൻ ഗ്രേ സ്കെയിൽ വേർഷൻ തന്നെ ഉപയോഗിക്കുക.

ഡൗൺലോഡ് വിവരങ്ങൾ

മലങ്കര ഇടവക പത്രികയുടെ 1896ലെ 12 ലക്കങ്ങൾ ഡിജിറ്റൈസ് ചെയ്തതിന്റെ വിവിധ രൂപങ്ങൾ.

ഓരോ ഗ്രേസ്കെയിൽ വേർഷനും ഏകദേശം 8MB മുതൽ 18MB വരെ വലിപ്പമുണ്ട്. ബാക്ക് ആന്റ് വൈറ്റ് എല്ലാം 1 MB ക്കു താഴെയാണ്. ചില പേജുകളിലെ ഉള്ളടക്കം വ്യക്തമായി കാണാൻ ഗ്രേ സ്കെയിൽ തന്നെ ഉപയോഗിക്കേണ്ടി വരും.

ഓരോ ലക്കത്തിന്റെ സ്കാനിന്റേയും വിവിധ രൂപങ്ങൾ താഴെ പട്ടികയിൽ.

Google+ Comments

Posted in മലങ്കര ഇടവക പത്രിക | 2 Comments

1881- പവിത്രലേഖകൾ – ഗുണ്ടർട്ടിന്റെ പരിഭാഷ

ആമുഖം

വേദപുസ്തകത്തിലെ കാവ്യപുസ്തകങ്ങൾ ആയ ഇയ്യോബ്, സങ്കീർത്തനങ്ങൾ, സദൃശങ്ങൾ, സഭാപ്രസംഗി, ശലോമോന്റെ അത്യുത്തമഗീതം എന്നീ പുസ്തകങ്ങൾക്ക് ഗുണ്ടർട്ട് നടത്തിയ പരിഭാഷ ആണ് ഈ പുസ്തകത്തിന്റെ ഉള്ളടക്കം. ഇതു ജർമ്മനിയിലെ ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശേഖരത്തിന്റെ ഭാഗമായ ഒരു അച്ചടി പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 74മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: പവിത്രലേഖകൾ – രണ്ടാം പതിപ്പ്
  • താളുകളുടെ എണ്ണം: ഏകദേശം 377
  • പ്രസിദ്ധീകരണ വർഷം: 1881 
  • പ്രസ്സ്: ബാസൽ മിഷൻ പ്രസ്സ്, മംഗലാപുരം 
1881- പവിത്രലേഖകൾ - ഗുണ്ടർട്ടിന്റെ പരിഭാഷ

1881- പവിത്രലേഖകൾ – ഗുണ്ടർട്ടിന്റെ പരിഭാഷ

ഈ പൊതുസഞ്ചയരേഖയുടെ ഉള്ളടക്കം, പ്രത്യേകതകൾ

ഗുണ്ടർട്ടിന്റെ ബൈബിൾ പരിഭാഷകൾ വ്യത്യസ്തമായിരുന്നു. ബൈബിൾ മൊത്തമായി പരിഭാഷ ചെയ്യുക അല്ല അദ്ദേഹം ചെയ്തിരിക്കുന്നത്. അതിനു പകരം വിഷയമനുസരിച്ച് ചില പുസ്തകങ്ങൾ പരിഭാഷ ചെയ്യുക ആണ് അദ്ദേഹം ചെയ്തിരിക്കുന്നത്. സുവിശേഷങ്ങൾ, കാവ്യപുസ്തകങ്ങൾ, പ്രവാചകപുസ്തകങ്ങൾ തുടങ്ങിയ വിഷയമനുസരിച്ചുള്ള ബൈബിൾ പരിഭാഷകൾ ഇതിന്റെ ഉദാഹരണങ്ങൾ ആണ്. ഇതിൽ വേദപുസ്തകത്തിലെ കാവ്യപുസ്തകങ്ങൾ ആയ ഇയ്യോബ്, സങ്കീർത്തനങ്ങൾ, സദൃശങ്ങൾ, സഭാപ്രസംഗി, ശലോമോന്റെ അത്യുത്തമഗീതം എന്നീ പുസ്തകങ്ങൾക്ക് ഗുണ്ടർട്ട് നടത്തിയ പരിഭാഷ ആണ് ഈ പുസ്തകത്തിന്റെ ഉള്ളടക്കം.

എബ്രായഭാഷയിൽ (ഹീബ്രുഭാഷയിൽ നിന്ന്) നേരിട്ടുള്ള പരിഭാഷ ആണ് ഇതെന്ന് ഗുണ്ടർട്ട് തുടക്കത്തിൽ പറയുന്നുണ്ട്. പരിഭാഷയിൽ എബ്രായഭാഷയിലെ പദ്യത്തിന്റെ ശൈലി നിലനിർത്താൻ ശ്രമിച്ചിട്ടൂണ്ട് എന്ന് അദ്ദേഹം പറയുന്നു.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

 

Google+ Comments

Posted in Gundert Legacy Project | Leave a comment

1855 – ഭൂമിശാസ്ത്രം – ഒന്നാമത പുസ്തകം

ആമുഖം

തിരുവനന്തപുരം സർക്കാർ പ്രസ്സിൽ അച്ചടിച്ച മലയാളത്തിലെ ആദ്യകാല പാഠപുസ്തകങ്ങളിൽ ഒന്നായ ഭൂമിശാസ്ത്രം എന്ന പൊതുസഞ്ചയ രേഖയുടെ ഡിജിറ്റൽ സ്കാനാണ് ഈ പൊസ്റ്റിലൂടെ പങ്കു വെക്കുന്നത്. ഇതു ജർമ്മനിയിലെ ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശേഖരത്തിന്റെ ഭാഗമായ ഒരു അച്ചടി പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 73മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: ഭൂമിശാസ്ത്രം – ഒന്നാമത പുസ്തകം
  • താളുകളുടെ എണ്ണം: ഏകദേശം 123
  • പ്രസിദ്ധീകരണ വർഷം: 1855 
  • പ്രസ്സ്: തിരുവിതാംകൂർ സർക്കാർ അച്ചുകൂടം, തിരുവനന്തപുരം 
1855 - ഭൂമിശാസ്ത്രം - ഒന്നാമത പുസ്തകം

1855 – ഭൂമിശാസ്ത്രം – ഒന്നാമത പുസ്തകം

ഈ പൊതുസഞ്ചയരേഖയുടെ ഉള്ളടക്കം, പ്രത്യേകതകൾ

മലയാളത്തിലെ ആദ്യകാല പാഠപുസ്തകങ്ങളിൽ ഒന്നാണിത് എന്നതാണ് ഇതിന്റെ ഏറ്റവും വലിയ പ്രത്യേകത. മറ്റൊരു പ്രത്യേകത ഇതു തിരുവനന്തപുരം സർക്കാർ പ്രസ്സിൽ അച്ചടിച്ച പുസ്തകമാണ് എന്നുള്ളതാണ്. തിരുവനന്തപുരം സർക്കാർ പ്രസ്സിൽ അച്ചടിച്ച 1840ലെയും 1841ലെയും പഞ്ചാംഗങ്ങൾ ഇതിനു മുൻപ് നമുക്കു കിട്ടിയിരുന്നു. ഈ പുസ്തകം കൂടെ ചേർത്താൽ ഇതു വരെ സർക്കാർ പ്രസ്സിൽ അച്ചടിച്ച 3 പുസ്തകങ്ങളുടെ ഡിജിറ്റൽ സ്കാനുകൾ നമുക്ക് കിട്ടി.

തിരുവനന്തപുരം സർക്കാർ പ്രസ്സിൽ അച്ചടിച്ച മൂന്നു പൊതുസഞ്ചയരേഖകൾ നല്ല നിലവാരത്തിൽ തന്നെ പൊതുജനങ്ങൾക്ക് ലഭ്യമാക്കാൻ ഒരു നിമിത്തമാകാൻ കഴിഞ്ഞു എന്നതിൽ എനിക്കു വളരെ ചാരിതാർത്ഥ്യം ഉണ്ട്.

ജെന്നപട്ടണം‌മുതലായ പള്ളിക്കൂടങ്ങളിൽ ഇംഗ്ലീഷു മലയാളം തമിഴു മുതലായ ഭാഷകൾ പഠിക്കുന്ന കുഞ്ഞുങ്ങൾക്കു ഉപയൊഗത്തിനായിട്ടു ഒണ്ടാക്കിയിട്ടുള്ള ഭൂമിശാസ്ത്രം ഒന്നാമതു പുസ്തകം എന്നാണ് പുസ്തകത്തിന്റെ പൂർണ്ണനാമം.

ജെന്നപട്ടണത്തുചേർന്ന പ്രദേശങ്ങളിൽ ഇംഗ്ലീഷുപള്ളിക്കൂടത്തിന്നും നാട്ടുപള്ളിക്കൂടത്തിനും വേണ്ടയുള്ള പുസ്തകം എന്ന് പറയുന്നതിൽ ഇത് ഏതൊക്കെ പ്രദേശങ്ങളിൽ ഉപയോഗത്തിലിരുന്നു എന്ന് എനിക്കു നിശ്ചയമില്ല. എന്തായാലും മിഷനറി പള്ളീകൂടങ്ങളിലും നാട്ടുപള്ളിക്കൂടങ്ങളിലും ഉപയോഗിച്ചിരുന്നു എന്ന് ആദ്യത്തെ പ്രസ്താവനയിൽ നിന്നു വ്യക്തം. തിരുവിതാം‌കൂറിലെ സ്കൂളുകളിൽ ഉപയൊഗിച്ചിരുന്നു എന്നു ന്യായമായും അനുമാനിക്കാം. (പക്ഷെ ഇത് എനിക്കു ഉറപ്പില്ല)

പുസ്തകത്തിന്റെ ഉള്ളടക്കത്തിനു ഒരു തമിഴ് ചുവ ഉണ്ട്. ശൊദ്ധ്യം (ചോദ്യം), ശില (ചില), ശുണ്ണാം‌പുക്കട്ടി (ചോക്ക്), ഗവനത്തൊടെ (ശ്രദ്ധയോടെ)   തുടങ്ങിയ ചില വാക്കുകൾ ഉദാഹരണം. അതിനു പുറമേ ആജാൻ (ആശാൻ), കറുപ്പുപലക (ബ്ലാക്ക് ബോർഡ്), തുടങ്ങി രസകരമായ വാക്കുകൾ കാണാം.

ഈ പുസ്തകത്തിൽ അക്കാലത്തെ ഇന്ത്യയിലെ പ്രധാന സ്ഥലങ്ങളെ ഒക്കെയും പരിചയപ്പെടുത്തുന്നൂണ്ട്. ഓരോ ലേഖനത്തിന്നും ഒപ്പം അദ്ധ്യാപകർക്കുള്ള ചെറിയ നിർദ്ദേശങ്ങൾ കാണാം.

പുസ്തകം തമിഴ് സ്വാധീനം ധാരാളം കാണുന്നതിനാൽ പുസ്തകം തമിഴിൽ നിന്നു മലയാളത്തിലേക്ക് പരിഭാഷ ചെയ്തത് ആവാൻ സാദ്ധ്യതയുണ്ട്.

ഈ പുസ്തകത്തിനു ശേഷം പ്രസിദ്ധം ചെയ്യുന്ന പുസ്തകത്തിൽ (ഭൂമിശാസ്ത്രം രണ്ടാമത പുസ്തകത്തിൽ) ഇംഗ്ലണ്ടു മുതലായ വിദേശരാജ്യങ്ങളെ പറ്റി അധികമായിട്ട് ചൊല്ലാം എന്നു പുസ്തകത്തിന്റെ അവസാനം പറയുന്നുണ്ട്.

വീഴ്ചതിരുത്തൽ (ശുദ്ധിപത്രം) പേജോടെ ആണ് പുസ്തകത്തിന്റെ ഉള്ളടക്കം അവസാനിക്കുന്നത് .

പുസ്തകത്തിന്റെ അച്ചടിക്കായി ബെഞ്ചമിൽ ബെയിലി സർക്കാർ പ്രസ്സിന്നു കൊടുത്ത അച്ചുകൾ തന്നെ ആണ് ഉപയൊഗിച്ചിരിക്കുന്നത്.  ഇതിനു മുൻപു വന്ന 2 പഞ്ചാം‌ഗങ്ങളിലും ബെഞ്ചമിൻ ബെയിലിയുടെ അച്ചുകൾ ഉപയോഗിച്ചത് നമ്മൾ കണ്ടതാണല്ലോ. (അതിനാൽ ചിലപ്പോൾ ഇതു സി.എം.എസ് പുസ്തകം ആണെന്ന് തെറ്റിദ്ധരിക്കാൻ സാദ്ധ്യതയുണ്ട്. )

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

Google+ Comments

Posted in Gundert Legacy Project, തിരുവിതാം‌കൂർ സർക്കാർ അച്ചുകൂടം | Leave a comment

1905 – രാമാനുചരിതം

ആമുഖം

മതവിചാരണ എന്ന പൊതുസഞ്ചയ രേഖയുടെ ഡിജിറ്റൽ സ്കാനാണ് ഈ പൊസ്റ്റിലൂടെ പങ്കു വെക്കുന്നത്.  ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 72മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: രാമാനുചരിതം
  • താളുകളുടെ എണ്ണം: ഏകദേശം 39
  • പ്രസിദ്ധീകരണ വർഷം: 1905 
  • പ്രസ്സ്: വിദ്യാഭിവർദ്ധിനി അച്ചുകൂടം, കൊല്ലം 
1905 - രാമാനുചരിതം

1905 – രാമാനുചരിതം

ഈ പൊതുസഞ്ചയരേഖയുടെ ഉള്ളടക്കം, പ്രത്യേകതകൾ

ഇത് ഓട്ടംതുള്ളൽ കൃതി ആണ്. പഴയ മലയാളം എഴുത്തു ശൈലിയിൽ വരികൾ തിരിക്കാതെ ആണ് ഇതിന്റെ അച്ചടിവിന്യാസം ചെയ്തിരിക്കുന്നത്. എന്നാൽ വാക്കുകൾക്ക് ഇടയിൽ സ്പെസും ഉപയോഗിക്കുകയും ഖണ്ഡിക തിരിക്കുകയും ചെയ്തിട്ടുണ്ട്.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാനുകൾ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

Google+ Comments

Posted in വിദ്യാഭിവർദ്ധിനി പ്രസ്സ് | Leave a comment

1846_1854 – മതവിചാരണ

ആമുഖം

മതവിചാരണ എന്ന പൊതുസഞ്ചയ രേഖയുടെ രണ്ട് ഡിജിറ്റൽ സ്കാനുകളാണ് ഈ പൊസ്റ്റിലൂടെ പങ്കു വെക്കുന്നത്.  ഇതിൽ ഒരു കല്ലച്ചടി പുസ്തകവും ഒരു ലെറ്റർ പ്രസ്സ് അച്ചടി പുസ്തകവും അടങ്ങുന്നു. ഈ രേഖയുടെ പ്രധാന പ്രത്യേകത ഇത് ആദ്യം ലെറ്റർ പ്രസ്സിലും പിന്നീട് കല്ലച്ചിലും അച്ചടിച്ചു എന്നതാണ്. ലെറ്റർ പ്രസ്സ് അച്ചടി കോട്ടയം സി.എം.എസ്. പ്രസ്സിലും കല്ലച്ചടി തലശ്ശേരിയിലെ കല്ലച്ചിലും ആണ് നടന്നത്.  ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 71മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

ഒന്നാം പതിപ്പ്

  • പേര്: മതവിചാരണ
  • താളുകളുടെ എണ്ണം: ഏകദേശം 35
  • പ്രസിദ്ധീകരണ വർഷം: 1846 
  • പ്രസ്സ്: സി.എം.എസ്. പ്രസ്സ്, കോട്ടയം
1846_മതവിചാരണ

1846_മതവിചാരണ

രണ്ടാം പതിപ്പ്

  • പേര്: മതവിചാരണ
  • താളുകളുടെ എണ്ണം: ഏകദേശം 37
  • പ്രസിദ്ധീകരണ വർഷം: 1854 
  • പ്രസ്സ്: ബാസൽ മിഷൻ പ്രസ്സ്, തലശ്ശേരി
1854 – മതവിചാരണ

1854 – മതവിചാരണ

ഈ പൊതുസഞ്ചയരേഖയുടെ ഉള്ളടക്കം, പ്രത്യേകതകൾ

ഇതൊരു ക്രൈസ്തവ മതപ്രചരണ രെഖ ആണ്. കാര്യസ്ഥനായ നരസിംഹപട്ടരും മകനായ രാമപട്ടരും അയൽവക്കത്തെ പീടികക്കാരനായ അബ്ദുള്ളയും തമ്മിൽ നടന്ന സംഭാഷണമാണ് പുസ്തകത്തിന്റെ ഇതിവൃത്തം. ഇതിൽ രാമപട്ടർ കൃസ്തുമാർഗ്ഗം സ്വീകരിച്ചു എന്നും അതു സംബന്ധിച്ചു മുന്നു പേരും തമ്മിലുള്ള സംഭാഷമാണ് പുസ്തകത്തിന്റെ ഉള്ളടക്കം എന്ന് പുസ്തകം ഒന്ന്  ഓടിച്ചു നോക്കിയപ്പോൾ തോന്നു.

ഇത് സി.എം.എസ്. മിഷനറി ആയിരുന്ന റവ:ജോസഫ് പീറ്റ് രചിച്ച കൃതിയാണെന്ന് കരുതുന്നു.

ഇതിന്റെ തുടക്ക പേജിൽ കാണുന്ന NTMRTS എന്ന ചുരുക്കെഴുത്തിന്റെ വിപുലീകരണം  North Travancore and Cochin Malayalam Religious Tract Society എന്നാണെന്ന് ഞാൻ കരുതുന്നു. ഈ വിധത്തിലോ മറ്റോ പെരുള്ള ഒരു സംഘടനയ്ക്ക് ആയിരുന്നു മദ്ധ്യതിരുവിതാംകൂറിലെ ക്രൈസ്തവ ട്രാക്ടുകളുടെ പ്രസിദ്ധീകരണ ചുമതല എന്നു ചിലയിടത്ത് വായിച്ചിട്ടുണ്ട്.

ഈ പുസ്കത്തിന്റെ രണ്ട് പതിപ്പുകൾ നമുക്ക് കിട്ടിയിട്ടൂണ്ട്. 1846ലെ അദ്യ പതിപ്പ് കോട്ടയം സി.എം.എസ് പ്രസ്സിൽ അച്ചടിച്ചു. രണ്ടാം പതിപ്പ് 1854ൽ തലശ്ശേരിയിലെ കല്ലച്ചിൽ അച്ചടിച്ചു.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാനുകൾ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

ഒന്നാം പതിപ്പ് (1846)

രണ്ടാം പതിപ്പ് (1854)

Google+ Comments

Posted in Gundert Legacy Project | Leave a comment

1853_1869 – സ്ഥിരീകരണത്തിന്നുള്ള ഉപദെശം

ആമുഖം

സ്ഥിരീകരണത്തിന്നുള്ള ഉപദെശം എന്ന പൊതുസഞ്ചയ രേഖയുടെ രണ്ട് ഡിജിറ്റൽ സ്കാനുകളാണ് പൊസ്റ്റിലൂടെ പങ്കു വെക്കുന്നത്.  ഇതിൽ ഒരു കല്ലച്ചടി പുസ്തകവും ഒരു ലെറ്റർ പ്രസ്സ് അച്ചടി പുസ്തകവും അടങ്ങുന്നു. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 69മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

ഒന്നാം പതിപ്പ്

  • പേര്: സ്ഥിരീകരണത്തിന്നുള്ള ഉപദെശം
  • താളുകളുടെ എണ്ണം: ഏകദേശം 27
  • പ്രസിദ്ധീകരണ വർഷം: 1853 
  • പ്രസ്സ്: ബാസൽ മിഷൻ പ്രസ്സ്, തലശ്ശേരി
1853_സ്ഥിരീകരണത്തിന്നുള്ള ഉപദെശം

1853_സ്ഥിരീകരണത്തിന്നുള്ള ഉപദെശം

രണ്ടാം പതിപ്പ്

  • പേര്: സ്ഥിരീകരണത്തിന്നുള്ള ഉപദെശം
  • താളുകളുടെ എണ്ണം: ഏകദേശം 27
  • പ്രസിദ്ധീകരണ വർഷം: 1869 
  • പ്രസ്സ്: ബാസൽ മിഷൻ പ്രസ്സ്, മംഗലാപുരം
1869_സ്ഥിരീകരണത്തിന്നുള്ള ഉപദെശം

1869_സ്ഥിരീകരണത്തിന്നുള്ള ഉപദെശം

ഈ പൊതുസഞ്ചയരേഖയുടെ ഉള്ളടക്കം, പ്രത്യേകതകൾ

മിക്കവാറും എല്ലാ ക്രൈസ്തവസഭകളിലും ഒരു വ്യക്തി മുതിർന്നതിന്നു ശേഷം (ഏകദേശം 12 വയസ്സിന്നു ശേഷം), സഭയുടെ പൂർണ്ണ അംഗത്വത്തിലേക്ക് പ്രവേശിപ്പിക്കുന്ന ഒരു ചടങ്ങുണ്ട്. ഈ ചടങ്ങിന്നു ശേഷമേ തിരുവത്താഴം, കുർബ്ബാന അനുഭവിക്കാൻ അവരെ അനുവദിക്കാറുള്ളൂ. പല സഭകളിലിലും പല പേരുകളിൽ ആണ് ഇത് അറിയപ്പെടുന്നത്. ആദ്യകുബ്ബാന, സ്ഥിരീകരണം തുടങ്ങിയവ ഒക്കെയാണ് ഇതിന്നു ഉപയോഗിക്കുന്ന പേരുകൾ. പ്രൊട്ടസ്റ്റന്റ് സഭയായ സി.എസ്.ഐ. സഭയിൽ ഇത് അറിയപ്പെടുന്നത് സ്ഥിരീകരണം എന്നാണ്. എന്നാൽ കത്തോലിക്കാസഭയിൽ confirmationനു സ്ഥൈര്യലേപനം എന്നു പറയും. ആദ്യകുർബ്ബനക്കു മുൻപല്ല, ശേഷമാണ്‌ അവിടെ അതു പതിവ്‌.കത്തോലിക്ക സഭയിൽ സ്ഥൈര്യലേപനം പരിശുദ്ധാത്മാവിനെ സ്വീകരിക്കുന്ന കൂദാശയാണ്‌. അതുകൊടുക്കാൻ മെത്രാനു മാത്രമേ അധികാരമുള്ളു.

സ്ഥിരികരണത്തിന്നു മുൻപ് ഒരു വ്യക്തി അറിഞ്ഞിരിക്കേണ്ട ക്രൈസ്തവ മതബോധനം ആണ് ഈ പുസ്തകത്തിന്റെ ഉള്ളടക്കം.

ഈ പുസ്കത്തിന്റെ രണ്ട് പതിപ്പുകൾ നമുക്ക് കിട്ടിയിട്ടൂണ്ട്. 1853ലെ അദ്യ പതിപ്പ് തലശ്ശേരിയിലെ കല്ലച്ചിൽ അച്ചടിച്ചു. രണ്ടാം പതിപ്പ് 1869ൽ മംഗലാപുരത്തെ ലെറ്റർ പ്രസ്സിൽ അച്ചടിച്ചു.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാനുകൾ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

ഒന്നാം പതിപ്പ് (1853)

രണ്ടാം പതിപ്പ് (1869)

 

 

 

Google+ Comments

Posted in Gundert Legacy Project | Leave a comment

1903 – വേദോക്തപുസ്തകം

ആമുഖം

വേദോക്തപുസ്തകം എന്ന പൊതുസഞ്ചയ രേഖയുടെ ഡിജിറ്റൽ സ്കാനാണ് ഈ പൊസ്റ്റിലൂടെ പങ്കു വെക്കുന്നത്.  ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിൽ നിന്നുള്ള ഒരു കല്ലച്ചടി പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 67മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: വേദോക്തപുസ്തകം
  • താളുകളുടെ എണ്ണം: ഏകദേശം 77
  • പ്രസിദ്ധീകരണ വർഷം: 1903 (കവർ പേജിൽ 1904 എന്നും കാണുന്നു) 
  • പതിപ്പ്: നാലാം പതിപ്പ്
  • പ്രസ്സ്: ബാസൽ മിഷൻ പ്രസ്സ്, മംഗലാപുരം
1903 - വേദോക്തപുസ്തകം

1903 – വേദോക്തപുസ്തകം

വജ്രസൂചീ എന്ന കൃതിയെപറ്റി

വേദോക്തപുസ്തകം എന്നത് കൊണ്ട് ഉദ്ദേശിക്കുന്നത് ക്രൈസ്തവവേദപുസ്തകത്തിലെ വാക്യങ്ങൾ ഉൾക്കൊള്ളുന്ന വാക്യങ്ങൾ അടങ്ങിയ പുസ്തകം എന്നാണ്.

പുസ്തകത്തിന്റെ ആമുഖത്തിൽ കാണുന്നത് പ്രകാരം ഇത് ബാസൽ മിഷന്റെ കേരളത്തിലെ സ്കൂളുകളിൽ പഠിക്കുന്ന കുട്ടികൾക്ക് പഠിക്കാനായി തയ്യാറാക്കിയ പുസ്തകമാണ്. ബാസൽ മിഷൻ സ്കൂളുകളുടെ ഇൻസ്പെക്റ്റർ ആയ Wilhelm Dilger ആണ് മുഖവുര എഴുതിയിരിക്കുന്നത്.

ശിശുതരം തൊട്ട് അഞ്ചാം തരം വരെയുള്ള കുട്ടികൾക്കുള്ള വേദ‌ഉക്തങ്ങൾ ഇതിൽ അടങ്ങിയിട്ടൂണ്ട്.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

Google+ Comments

Posted in Gundert Legacy Project | Leave a comment

1853 – വജ്രസൂചി – രണ്ടാം പതിപ്പ്

ആമുഖം

വജ്രസൂചീ എന്ന പൊതുസഞ്ചയ രേഖയുടെ ഡിജിറ്റൽ സ്കാനാണ് ഈ പൊസ്റ്റിലൂടെ പങ്കു വെക്കുന്നത്.  ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിൽ നിന്നുള്ള ഒരു കല്ലച്ചടി പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 66മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: വജ്രസൂചീ
  • താളുകളുടെ എണ്ണം: ഏകദേശം 30
  • പ്രസിദ്ധീകരണ വർഷം: 1853
  • പതിപ്പ്: രണ്ടാം പതിപ്പ്
  • പ്രസ്സ്: ബാസൽ മിഷൻ പ്രസ്സ്, തലശ്ശേരി
1853 – വജ്രസൂചി – രണ്ടാം പതിപ്പ്

1853 – വജ്രസൂചി – രണ്ടാം പതിപ്പ്

വജ്രസൂചീ എന്ന കൃതിയെപറ്റി

ജഗൽ ഗുരും മഞ്ജു ഘൊഷം നത്വാവാക്കായ ചെതസാ
അശ്വഘൊഷൊവജ്രാസൂചീം സൂത്രയാമി യഥാമതം (മൂല കൃതി)

ജഗല്ഗുരുവാകുന്ന മഞ്ജുഘൊഷനെ വാക്കായ ചെതസ്സുകളെ കൊണ്ടു നമസ്കരിച്ചിട്ടു അശ്വഘൊഷനായ ഞാൻ ശാസ്ത്രമതത്തെ അനുസരിച്ചു വജ്രസൂചിയെ സൂത്രിക്കുന്നെൻ (ഗുണ്ടർട്ടിന്റെ പരിഭാഷ)

സംസ്കൃതഭാഷയിലുള്ള ഒരു ബുദ്ധമതരചനയാണ് വജ്രസൂചീ. ബ്രാഹ്മണികഹൈന്ദവതയിലെ ജാതിവ്യവസ്ഥയുടെ നിശിതവിമർശനമാണ് ഈ കൃതി.

ജാതിവാദത്തെ അത്, വേദങ്ങളിലും മഹാഭാരതത്തിലും മനുസ്മൃതിയിലും നിന്നുള്ള ആശയങ്ങളേയും ഉദ്ധരണികളേയും ആശ്രയിച്ചുള്ള ന്യായവാദം കൊണ്ട് തിരസ്കരിച്ച്, മനുഷ്യജാതി ഒന്നാണെന്നു ഈ രചനയിൽ സ്ഥാപിക്കുന്നു.

AD രണ്ടാം നൂറ്റാണ്ടിൽ വിഖ്യാതബുദ്ധചിന്തകനും സംസ്കൃതകവിയുമായ അശ്വഘോഷന്റെ പേരിലാണ് വജ്രസൂചി ഏറെയും അറിയപ്പെടുന്നതെങ്കിലും അദ്ദേഹമാണ് രചയിതാവെന്ന കാര്യത്തിൽ ഉറപ്പില്ല.

വജ്രസൂചിയെ പറ്റിയുള്ള കുറച്ച് വിവരങ്ങൾ മലയാളം വിക്കിപീഡിയയിലെ ഈ ലേഖനത്തിൽകാണാം.

പത്തൊൻപതാം നൂറ്റാണ്ടിൽ, ഹെർമ്മൻ ഗുണ്ടർട്ട് വജ്രസൂചി സംസ്കൃതമൂലത്തോടൊപ്പം മലയാള പരിഭാഷയും, ഒപ്പം ക്രൈസ്തവവീക്ഷണത്തിലുള്ള ഒരനുബന്ധവും കൂട്ടി ചേർത്ത് പ്രസിദ്ധീകരിച്ചു. 1851-ലും 1853-ലും ആയി രണ്ട് പതിപ്പുകൾ ഹെർമ്മൻ ഗുണ്ടർട്ട് പ്രസിദ്ധീകരിച്ചതായാണ് ഡോ. സ്കറിയ സക്കറിയയും കെ.എം. ഗോവി ഒക്കെ രേഖപ്പെടുത്തിയിരിക്കുന്നത്.

ഇവിടെ നമുക്ക് ലഭ്യമാകുന്ന സ്കാൻ 1853ലെ രണ്ടാമത്തെ പതിപ്പാണ്. 1851ലെ ഒന്നാം പതിപ്പ് നമുക്ക് ഇതിനകം കിട്ടിയതാണ്. അത് ഇവിടെ കാണാം.

ഏതാണ്ട് 33 താളുകൾ മാത്രമുള്ള ഈ പുസ്തകം തലശ്ശേരിയിൽ ഉണ്ടായിരുന്ന ബാസൽ മിഷന്റെ കല്ലച്ചിൽ ആണ് അച്ചടിച്ചിരിക്കുന്നത്. ഏതാണ്ട് 20 ഓളം പേജുകളിൽ ഇടതു വശത്ത് സംസ്കൃത മൂലവും, വലതു വശത്ത് മലയാള പരിഭാഷയുമായാണ് ഉള്ളടക്കം വികസിക്കുന്നത്. ഏറ്റവും അവസാനത്തെ 3-4 താളുകളിൽ ഗുണ്ടർട്ടിന്റെ വക ക്രൈസ്തവവീക്ഷണത്തിലുള്ള മലയാളത്തിലുള്ള അനുബന്ധവും കാണാം.

ഒന്നും രണ്ടും പതിപ്പുകൾ തമ്മിൽ ഒറ്റനോട്ടത്തിൽ വലിയ വ്യത്യാസം ഒന്നും കണ്ടില്ല. കവർ പെജിലുള്ള അല്ലറ ചില്ലറ വ്യത്യാസങ്ങളേ ഞാൻ കണ്ടുള്ളൂ.

 

ഇതിൽ കൂടുതൽ  ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

 

Google+ Comments

Posted in Gundert Legacy Project | Leave a comment

1846 – മാർപാപ്പാ

ആമുഖം

മാർപാപ്പ എന്ന പേരിൽ ഉള്ള ഒരു ക്രൈസ്തവമതപ്രചരണ രേഖയുടെ ഡിജിറ്റൽ സ്കാനാണ് ഇന്നു പങ്കു വെക്കുന്നത്.  ഇത് ട്യൂബിങ്ങൻ സർവ്വകലാശാലയിലെ ഗുണ്ടർട്ട് ശെഖരത്തിൽ നിന്നുള്ള ഒരു അച്ചടി പുസ്തകമാണ്. ട്യൂബിങ്ങനിലെ ഗുണ്ടർട്ട് ശെഖരത്തിൽ നിന്നു നമുക്കു ലഭിക്കുന്ന 65മത്തെ പൊതുസഞ്ചയ രേഖ ആണിത്.

ഈ പൊതുസഞ്ചയരേഖയുടെ മെറ്റാഡാറ്റ

  • പേര്: മാർപാപ്പ
  • താളുകളുടെ എണ്ണം: ഏകദേശം 23
  • വർഷം: 1846
  • പ്രസ്സ്: സി.എം.എസ്. പ്രസ്സ്, കോട്ടയം
1846 മാർപാപ്പാ

1846 മാർപാപ്പാ

പുസ്തകത്തിന്റെ പ്രത്യേകതകൾ, ഉള്ളടക്കം

മുകളിൽ സൂചിപ്പിച്ച പോലെ ഇതൊരു ക്രൈസ്തവ മതപ്രചരണ രെഖ ആണ്. പക്ഷെ ഇതിന്റെ ലക്ഷ്യം മാർപാപ്പയോട് വിധേയം പ്രഖ്യാപിച്ചിരിക്കുന്ന വിവിധ കത്തോലിക്ക സഭാംഗങ്ങളാണ്. ഈ രെഖയുടെ വിഷയം  മാർപാപ്പ എന്ന പദവി ബൈബിളിനു അനുസരണമാണോ എന്നു പരിശോധിക്കലാണ്. സി.എം.എസ്, എൽ.എം.എസ്, ബാസൽ മിഷൻ തുടങ്ങിയ മിഷനറി സംഘങ്ങൾ പ്രൊട്ടസ്റ്റന്റ് സമൂഹങ്ങൾ ആയതിനാൽ ആ വിധത്തിലാണ് ഈ പുസ്തകത്തിന്റെ ഉള്ളടക്കം.

ഇതിന്റെ തുടക്ക പേജിൽ കാണുന്ന NTMRTS എന്ന ചുരുക്കെഴുത്തിന്റെ വിപുലീകരണം  North Travancore and Cochin Malayalam Religious Tract Society എന്നാണെന്ന് ഞാൻ കരുതുന്നു. ഈ വിധത്തിലോ മറ്റോ പെരുള്ള ഒരു സംഘടനയ്ക്ക് ആയിരുന്നു മദ്ധ്യതിരുവിതാംകൂറിലെ ക്രൈസ്തവ ട്രാക്ടുകളുടെ ചുമതല എന്നു ചിലയിടത്ത് വായിച്ചിട്ടുണ്ട്.

പുസ്തകത്തിന്റെ അവസാനം അത് രചിച്ച ആളുടെ പെരായി J.H. എന്നു കൊടുത്തിട്ടൂണ്ട്. അത് സി.എം.എസ് മിഷനറിയായിരുന്ന J. Hawksworth ആണെന്ന് ഞാൻ കരുതുന്നു. പക്ഷെ ഇക്കാര്യം എനിക്ക് ഉറപ്പില്ല.

ഈ പുസ്തകത്തിന്റെ ഉള്ളടക്കം വിശകലനം ചെയ്യാൻ ഞാൻ ആളല്ല. അത് ഈ പുസ്തകത്തിലെ വിഷയത്തിൽ താല്പര്യമുള്ളവർ ചെയ്യുമല്ലോ.

കൂടുതൽ വിശകലനത്തിന്നും പഠനത്തിനുമായി സ്കാൻ പങ്കു വെക്കുന്നു.

ഡൗൺലോഡ് വിവരങ്ങൾ

ഡിജിറ്റൈസ് ചെയ്ത പതിപ്പിന്റെ വിവിധ രൂപങ്ങൾ:

Google+ Comments

Posted in Gundert Legacy Project | Leave a comment